Сьвятлана Чарнова, грамадзянская жонка затрыманага мінулай ноччу журналіста, рэдактара самарскага інфармацыйна-прававога агенцтва "Свабода " Аляксандра Лашманкіна, ня верыць у тое, што ён мог абражаць міліцыянтаў падчас затрыманьня.
Аляксандра Лашманкіна ноччу 24 сакавіка зьнялі зь цягніка Чалябінск —Берасьце на падставе нейкага ананімнага тэлефанаваньня. Супрацоўнікі транспартнай міліцыі цьвердзяць, што ў іх былі зьвесткі пра тое, што журналіст перавозіў амфэтамін. Пры асабістым даглядзе ў яго знайшлі толькі лекі — агульнадаступныя, якія прадаюцца ў кожнай аптэцы бэз рэцэпту. Знойдзенае адправілі на экспэртызу.
"Аляксандар увогуле імкнецца не ўжываць лекаў, нават калі іх прызначыў доктар. Ставіцца да прэпаратаў асьцярожна. Я больш за ўсе баялася, што яго будуць вінаваціць у перавозцы наркотыкаў . У Расеі здараецца так, што іх падкідаюць знарок", — кажа Сьвятлана Чарнова.
Тое, што спадара Лашманкіна судзяць за дробнае хуліганства — за лаянку матам на міліцыянтаў падчас затрыманьня — грамадзянская жонка журналіста камэнтуе так:
"Гэта поўны абсурд! Ён ведае закон, і ён ня мог так рабіць. Цалкам выключана, каб ён нецэнзурна лаяўся падчас затрыманьня. Я нават згадаць не магу, каб ён брыдкасловіў увогуле".
Абвінавачаньні ў дробным хуліганстве Аляксандар Лашманкін катэгарычна абвяргаў падчас судовага працэсу, які праходзіць у судзе Воршы і Аршанскага раёну. Ён заяўляе, што ехаў у Менск, каб у якасьці журналіста назіраць за сьвяткаваньнем Дня волі 25 сакавіка.
Сьведкамі супраць Аляксандра Лашманкіна выступаюць толькі міліцыянты, якія яго затрымлівалі. Судзьдзя Іна Кохава абвясьціла перапынак да 15:30. Затрыманы журналіст паведаміў прысутнаму на судзе праваабаронцу Васілю Леўчанкаву, што абвесьціць галадоўку пратэсту, калі яму прысудзяць "суткі".
Аляксандра Лашманкіна ноччу 24 сакавіка зьнялі зь цягніка Чалябінск —Берасьце на падставе нейкага ананімнага тэлефанаваньня. Супрацоўнікі транспартнай міліцыі цьвердзяць, што ў іх былі зьвесткі пра тое, што журналіст перавозіў амфэтамін. Пры асабістым даглядзе ў яго знайшлі толькі лекі — агульнадаступныя, якія прадаюцца ў кожнай аптэцы бэз рэцэпту. Знойдзенае адправілі на экспэртызу.
"Аляксандар увогуле імкнецца не ўжываць лекаў, нават калі іх прызначыў доктар. Ставіцца да прэпаратаў асьцярожна. Я больш за ўсе баялася, што яго будуць вінаваціць у перавозцы наркотыкаў . У Расеі здараецца так, што іх падкідаюць знарок", — кажа Сьвятлана Чарнова.
Тое, што спадара Лашманкіна судзяць за дробнае хуліганства — за лаянку матам на міліцыянтаў падчас затрыманьня — грамадзянская жонка журналіста камэнтуе так:
"Гэта поўны абсурд! Ён ведае закон, і ён ня мог так рабіць. Цалкам выключана, каб ён нецэнзурна лаяўся падчас затрыманьня. Я нават згадаць не магу, каб ён брыдкасловіў увогуле".
Абвінавачаньні ў дробным хуліганстве Аляксандар Лашманкін катэгарычна абвяргаў падчас судовага працэсу, які праходзіць у судзе Воршы і Аршанскага раёну. Ён заяўляе, што ехаў у Менск, каб у якасьці журналіста назіраць за сьвяткаваньнем Дня волі 25 сакавіка.
Сьведкамі супраць Аляксандра Лашманкіна выступаюць толькі міліцыянты, якія яго затрымлівалі. Судзьдзя Іна Кохава абвясьціла перапынак да 15:30. Затрыманы журналіст паведаміў прысутнаму на судзе праваабаронцу Васілю Леўчанкаву, што абвесьціць галадоўку пратэсту, калі яму прысудзяць "суткі".
