Прэзыдэнт Расейскай Фэдэрацыі Дзьмітрый Мядзьведзеў ня бачыць падставаў да замірэньня са сваім беларускім калегам Аляксандрам Лукашэнкам. Тое, што на стасункі з кіраўніком Беларусі накладзены мараторый, Мядзьведзеў даў зразумець у сваім мікраблогу ў сетцы "Twitter".
Сёньня Дзьмітрый Мядзьведзеў пасьля некаторага перапынку зноў узьняў беларускую тэму, выказаўшыся наконт маючых адбыцца прэзыдэнцкіх выбараў у Беларусі.
Гэтым разам ён аформіў сваю пазыцыю як адказ на пытаньне беларускай падпісчыцы пад нікам dashystik. Тая, у прыватнасьці, адзначыла, што беларусам неабыякава, як да выбараў ставяцца ў Маскве. Расейскі кіраўнік быў ляканічны, як таго і патрабуе прынцып мікраблогу: "@dashystik. Да вашых выбараў стаўлюся максымальна паважліва. А пра вашага прэзыдэнта я ўжо ўсё сказаў". Пасьля гэтых слоў Мядзьведзеў выклаў спасылку на свой жа відэаблог, у якім на пачатку кастрычніка жорстка крытыкаваў Аляксандра Лукашэнку.
Сярод іншага, у сваім выступе ён тады адзначыў, што на адрас Расеі і яе кіраўніцтва ідуць патокі абвінавачваньняў і лаянкі, і якраз на гэтым пабудаваная ўся выбарчая кампанія Лукашэнкі. Расейскі лідэр падкрэсьліў, што саюзьнікі так сябе не паводзяць, і паабяцаў улічыць гэтыя абставіны пры далейшым выбудоўваньні адносінаў зь дзейным прэзыдэнтам Беларусі.
Неўзабаве пасьля гэтага Дзяржаўная Дума Расеі прыняла заяву аб недапушчальнасьці антырасейскай рыторыкі з боку афіцыйнага Менску. Ініцыятар такога кроку, дэпутат Аляксей Астроўскі, не хавае, што штуршком сталі менавіта словы Дзьмітрыя Мядзьведзева, які заявіў, што Лукашэнка ў сваіх выказваньнях выходзіць далёка за рамкі дыпляматычных правілаў і элемэнтарнай чалавечай прыстойнасьці:
"Абсалютна справядліва прэзыдэнт называе такія выказваньні рэчамі па-за нормамі маралі і чалавечнасьці, але гэтыя катэгорыі Лукашэнку папросту не ўласьцівыя. Ён жыве, дазволю сабе такое параўнаньне, жывёльнымі інстынктамі, жывёльнай інтуіцыяй, і намагаецца выратаваць сябе любымі сродкамі. За кошт, дарэчы, уласнага народа і ўласных грамадзянаў. Старая кружэлка пра Захад, пра ЗША, пра ворагаў у Эўразьвязе ўжо ня можа так доўга граць і ўплываць на пачуцьці беларускіх грамадзянаў. Запатрабавалася новая кружэлка: зьнешні вораг — Расея, і іншыя высновы, якія з гэтага вынікаюць. Але мяне ў гэтым зьвязку вельмі ўсьцешыла, што кіраўнік расейскай дзяржавы ўпершыню на афіцыйным узроўні сказаў: Расею ня можа не цікавіць лёс зьніклых палітыкаў, грамадзкіх дзеячаў, журналістаў".
Цяпер палітычныя кантакты паміж Масквой і Менскам на вышэйшым узроўні значна абмежаваныя. Гэта засьведчыў і нядаўні прыезд міністра замежных спраў Расеі, якому, паводле маскоўскіх крыніцаў, Крэмль наўпрост забараніў сустракацца з Аляксандрам Лукашэнкам. Прарваць інфармацыйную ізаляцыю беларускія ідэолягі спрабуюць правераным шляхам — праз журналістаў расейскіх рэгіянальных выданьняў, якія ставяцца да беларускіх уладаў з нашмат большай спагадай, чым цэнтар.
У мінулым месяцы беспрэцэдэнтны па колькасьці дэсант быў прыняты ў рэзыдэнцыі Лукашэнкі, а гэтымі днямі па Беларусі езьдзіць чарговая група з прадстаўнікоў адыёзных альбо малавядомых расейскіх мэдыяў. Першы пункт падарожжа — Брузгі, заходні фарпост намінальнай Саюзнай дзяржавы. Супрацоўніца газэты "Аргументы недели" Надзея Папова пераканалася, што сродкі з саюзнага бюджэту асвойваюцца мэтава:
"Я ўражаная тым, што ўбачыла. Мне падалося, што тут усё зроблена максымальна зручна для чалавека. Перадусім для тых людзей, якіх штогод выяжджае, як я зразумела, 1 мільён 200 тысяч. Таму асабіста мне тут вельмі спадабалася".
Між тым ня ўсе ў Расеі згодныя з тым, што з-за асабістых непаразуменьняў вышэйшых кіраўнікоў дзьвюх краінаў павінны масава згортвацца двухбаковыя кантакты ў іншых сфэрах. Эканаміст Сяргей Аляксашанка лічыць, што Расея пры сваіх амбіцыях не павінна апускацца да ўзроўню "пакрыўджанасьці":
"Агульная пазыцыя Расеі, на жаль, мяне ня можа асабліва радаваць. Калі некалькі гадоў таму ва Ўкраіне быў прэзыдэнтам Віктар Юшчанка, мы казалі: нам Юшчанка не падабаецца, і мы з Украінай кантактаваць ня будзем. Зараз нам не падабаецца прэзыдэнт Лукашэнка — адпаведна, мы зь Беларусьсю і асабіста з Лукашэнкам супрацоўнічаць ня будзем. Нам не падабаецца Саакашвілі, таму мы нічога зь ім абмяркоўваць ня будзем. Краіна, якая адчувае сябе рэгіянальным лідэрам, краіна, якая зьяўляецца самай вялікай у гэтай частцы сьвету, якая гістарычна мае ўсялякі ўплыў, ня можа так сябе паводзіць. Яна павінна быць больш адказнай".
У сытуацыі асабістага канфлікту паміж прэзыдэнтамі Дзьмітрыем Мядзьведзевым і Аляксандрам Лукашэнкам экспэртаў цікавіць, як будзе праходзіць заплянаваная на канец сьнежня ў Маскве сустрэча лідэраў краінаў-сябраў Мытнага зьвязу. Шмат хто лічыць, што Лукашэнка, спаслаўшыся на прэзыдэнцкія выбары, гэтую сустрэчу можа ўвогуле праігнараваць.
Сёньня Дзьмітрый Мядзьведзеў пасьля некаторага перапынку зноў узьняў беларускую тэму, выказаўшыся наконт маючых адбыцца прэзыдэнцкіх выбараў у Беларусі.
Гэтым разам ён аформіў сваю пазыцыю як адказ на пытаньне беларускай падпісчыцы пад нікам dashystik. Тая, у прыватнасьці, адзначыла, што беларусам неабыякава, як да выбараў ставяцца ў Маскве. Расейскі кіраўнік быў ляканічны, як таго і патрабуе прынцып мікраблогу: "@dashystik. Да вашых выбараў стаўлюся максымальна паважліва. А пра вашага прэзыдэнта я ўжо ўсё сказаў". Пасьля гэтых слоў Мядзьведзеў выклаў спасылку на свой жа відэаблог, у якім на пачатку кастрычніка жорстка крытыкаваў Аляксандра Лукашэнку.
Сярод іншага, у сваім выступе ён тады адзначыў, што на адрас Расеі і яе кіраўніцтва ідуць патокі абвінавачваньняў і лаянкі, і якраз на гэтым пабудаваная ўся выбарчая кампанія Лукашэнкі. Расейскі лідэр падкрэсьліў, што саюзьнікі так сябе не паводзяць, і паабяцаў улічыць гэтыя абставіны пры далейшым выбудоўваньні адносінаў зь дзейным прэзыдэнтам Беларусі.
Неўзабаве пасьля гэтага Дзяржаўная Дума Расеі прыняла заяву аб недапушчальнасьці антырасейскай рыторыкі з боку афіцыйнага Менску. Ініцыятар такога кроку, дэпутат Аляксей Астроўскі, не хавае, што штуршком сталі менавіта словы Дзьмітрыя Мядзьведзева, які заявіў, што Лукашэнка ў сваіх выказваньнях выходзіць далёка за рамкі дыпляматычных правілаў і элемэнтарнай чалавечай прыстойнасьці:
кіраўнік расейскай дзяржавы ўпершыню на афіцыйным узроўні сказаў: Расею ня можа не цікавіць лёс зьніклых палітыкаў, грамадзкіх дзеячаў, журналістаў ...
"Абсалютна справядліва прэзыдэнт называе такія выказваньні рэчамі па-за нормамі маралі і чалавечнасьці, але гэтыя катэгорыі Лукашэнку папросту не ўласьцівыя. Ён жыве, дазволю сабе такое параўнаньне, жывёльнымі інстынктамі, жывёльнай інтуіцыяй, і намагаецца выратаваць сябе любымі сродкамі. За кошт, дарэчы, уласнага народа і ўласных грамадзянаў. Старая кружэлка пра Захад, пра ЗША, пра ворагаў у Эўразьвязе ўжо ня можа так доўга граць і ўплываць на пачуцьці беларускіх грамадзянаў. Запатрабавалася новая кружэлка: зьнешні вораг — Расея, і іншыя высновы, якія з гэтага вынікаюць. Але мяне ў гэтым зьвязку вельмі ўсьцешыла, што кіраўнік расейскай дзяржавы ўпершыню на афіцыйным узроўні сказаў: Расею ня можа не цікавіць лёс зьніклых палітыкаў, грамадзкіх дзеячаў, журналістаў".
Цяпер палітычныя кантакты паміж Масквой і Менскам на вышэйшым узроўні значна абмежаваныя. Гэта засьведчыў і нядаўні прыезд міністра замежных спраў Расеі, якому, паводле маскоўскіх крыніцаў, Крэмль наўпрост забараніў сустракацца з Аляксандрам Лукашэнкам. Прарваць інфармацыйную ізаляцыю беларускія ідэолягі спрабуюць правераным шляхам — праз журналістаў расейскіх рэгіянальных выданьняў, якія ставяцца да беларускіх уладаў з нашмат большай спагадай, чым цэнтар.
У мінулым месяцы беспрэцэдэнтны па колькасьці дэсант быў прыняты ў рэзыдэнцыі Лукашэнкі, а гэтымі днямі па Беларусі езьдзіць чарговая група з прадстаўнікоў адыёзных альбо малавядомых расейскіх мэдыяў. Першы пункт падарожжа — Брузгі, заходні фарпост намінальнай Саюзнай дзяржавы. Супрацоўніца газэты "Аргументы недели" Надзея Папова пераканалася, што сродкі з саюзнага бюджэту асвойваюцца мэтава:
"Я ўражаная тым, што ўбачыла. Мне падалося, што тут усё зроблена максымальна зручна для чалавека. Перадусім для тых людзей, якіх штогод выяжджае, як я зразумела, 1 мільён 200 тысяч. Таму асабіста мне тут вельмі спадабалася".
Між тым ня ўсе ў Расеі згодныя з тым, што з-за асабістых непаразуменьняў вышэйшых кіраўнікоў дзьвюх краінаў павінны масава згортвацца двухбаковыя кантакты ў іншых сфэрах. Эканаміст Сяргей Аляксашанка лічыць, што Расея пры сваіх амбіцыях не павінна апускацца да ўзроўню "пакрыўджанасьці":
"Агульная пазыцыя Расеі, на жаль, мяне ня можа асабліва радаваць. Калі некалькі гадоў таму ва Ўкраіне быў прэзыдэнтам Віктар Юшчанка, мы казалі: нам Юшчанка не падабаецца, і мы з Украінай кантактаваць ня будзем. Зараз нам не падабаецца прэзыдэнт Лукашэнка — адпаведна, мы зь Беларусьсю і асабіста з Лукашэнкам супрацоўнічаць ня будзем. Нам не падабаецца Саакашвілі, таму мы нічога зь ім абмяркоўваць ня будзем. Краіна, якая адчувае сябе рэгіянальным лідэрам, краіна, якая зьяўляецца самай вялікай у гэтай частцы сьвету, якая гістарычна мае ўсялякі ўплыў, ня можа так сябе паводзіць. Яна павінна быць больш адказнай".
У сытуацыі асабістага канфлікту паміж прэзыдэнтамі Дзьмітрыем Мядзьведзевым і Аляксандрам Лукашэнкам экспэртаў цікавіць, як будзе праходзіць заплянаваная на канец сьнежня ў Маскве сустрэча лідэраў краінаў-сябраў Мытнага зьвязу. Шмат хто лічыць, што Лукашэнка, спаслаўшыся на прэзыдэнцкія выбары, гэтую сустрэчу можа ўвогуле праігнараваць.
