Лекары Берасьцейскай абласной бальніцы не дапускаюць родных да пацыентаў, якія пацярпелі ад аварыі на "Пінскдрэве". Да гэтага часу ў абласным шпіталі знаходзяцца тры чалавекі: Алег Сьмірноў, Эдуард Гарошка і Павал Ярмак. Іхні стан лекары ацэньваюць як стабільна цяжкі.
Натальля — жонка Алега Сьмірнова, пацярпелага падчас аварыі на "Пінскдрэве" — адзначае, што лекары не даюць поўнай інфармацыі:
"Ніхто нічога нам не расказвае. Мне паведамляюць, што стан складаны. Ён у прытомнасьці, усё разумее. Але ўрачы адмоўчваюцца. Колькі разоў мы ўжо езьдзілі ў Берасьце. Чуем пастаянна, што складаная сытуацыя, што мы не багі. Я запытвала і пра ступень цяжкасьці, і пра апёкі. Меркавала пракансультавацца зь іншымі лекарамі, пашукаць спэцыялістаў, напрыклад, у Расеі, пашукаць шпіталі, але ніхто нічога ня кажа. Не ведаю рэальна пра сытуацыю. Апошні раз я езьдзіла ў панядзелак у шпіталь. Майго мужа ўжо пэрыядычна адключаюць ад апарату штучнай вэнтыляцыі лёгкіх. Я запытвалася ва ўрачоў, як моцна апечаны лёгкія. Кажуць, што моцна, але наколькі складана — ніякага адказу няма".
З боку прадпрыемства, паводле слоў Натальлі Сьмірновай, сям'і было выдзелена 20 мільёнаў рублёў.
Выбух 25 кастрычніка ў цэху ДВП канцэрну "Пінскдрэў" забраў жыцьці 14 чалавек. Шасьцёра ў цяжкім стане застаюцца ў шпіталях Берасьця і Менску. На месцы аварыі працуе камісія, якая павінна да 15 лістапада высьветліць прычыны выбухаў.
Натальля — жонка Алега Сьмірнова, пацярпелага падчас аварыі на "Пінскдрэве" — адзначае, што лекары не даюць поўнай інфармацыі:
"Ніхто нічога нам не расказвае. Мне паведамляюць, што стан складаны. Ён у прытомнасьці, усё разумее. Але ўрачы адмоўчваюцца. Колькі разоў мы ўжо езьдзілі ў Берасьце. Чуем пастаянна, што складаная сытуацыя, што мы не багі. Я запытвала і пра ступень цяжкасьці, і пра апёкі. Меркавала пракансультавацца зь іншымі лекарамі, пашукаць спэцыялістаў, напрыклад, у Расеі, пашукаць шпіталі, але ніхто нічога ня кажа. Не ведаю рэальна пра сытуацыю. Апошні раз я езьдзіла ў панядзелак у шпіталь. Майго мужа ўжо пэрыядычна адключаюць ад апарату штучнай вэнтыляцыі лёгкіх. Я запытвалася ва ўрачоў, як моцна апечаны лёгкія. Кажуць, што моцна, але наколькі складана — ніякага адказу няма".
З боку прадпрыемства, паводле слоў Натальлі Сьмірновай, сям'і было выдзелена 20 мільёнаў рублёў.
Выбух 25 кастрычніка ў цэху ДВП канцэрну "Пінскдрэў" забраў жыцьці 14 чалавек. Шасьцёра ў цяжкім стане застаюцца ў шпіталях Берасьця і Менску. На месцы аварыі працуе камісія, якая павінна да 15 лістапада высьветліць прычыны выбухаў.
