На заўтра група беларускіх журналістаў зь дзяржаўных і незалежных СМІ, а таксама расейскія журналісты, якія стала працуюць у Беларусі, запрошаныя ў Крэмль.
Прэсавую канфэрэнцыю для іх на тэму беларуска-расейскіх дачыненьняў наладжвае кіраўнік адміністрацыі прэзыдэнта Расеі Сяргей Нарышкін.
Сярод запрошаных – агенцтва БелаПАН, інтэрнэт-газэта "Салідарнасьць", сайт "Хартыі-97", тыднёвікі "Наша ніва", "Новы час".
Чытачы сайту "Свабоды" маглі б даць свой "наказ" журналістам, якое пытаньне варта задаць у Крамлі? Пакідайце свае пытаньні ў камэнтах да гэтага артыкула.
