На 2 000 чалавек – 14 апазыцыянэраў

У 155 тэрытарыяльных камісіях па выбарах прэзыдэнта Рэспублікі Беларусь будуць працаваць роўна дзьве тысячы чалавек.

Гэтыя лічбы паведаміў сёньня "Свабодзе" сакратар Цэнтравыбаркаму Мікалай Лазавік:

"Дзяржаўныя служачыя складаюць там 20,4%, моладзь (да 30 гадоў) 7,8%, жанчыны – 5,6%. Актыўнасьць палітычных партыяў на гэтым этапе была невысокая, вылучалі яны нямнога. І амаль усе іх прадстаўнікі ўвайшлі ў склад камісіяў".

Прадстаўніцтва палітычных партыяў у тэрытарыяльных камісіях:

• КПБ – 87.
• Рэспубліканская партыя працы і справядлівасьці –14
• Аб'яднаная грамадзянская партыя 6
• "Справядлівы сьвет" – 5.
• Лібэральна-дэмакратычная партыя – 4.
• Партыя БНФ –2
• Аграрная – 1.
• Беларуская сацыял-дэмакратычная партыя (Грамада) –1.