Пра гэта заявіў прэзыдэнт Расеі Дзьмітрый Мядзведзеў у ходзе відэаканфэрэнцыі з Масквой, у якой прыняў удзел кіраўнік «Газпрома» Аляксей Мілер.
«Добра, што канфлікт вырашаны, таму што заўсёды правільна завяршаць такога роду мерапрыемствы як мага хутчэй. Беларускі бок расплаціўся. Гэта добра. Хоць, дзеля справядлівасьці трэба прызнаць, што ім гэта трэба было зрабіць раней, а не ствараць праблем, назапашваць даўгі і ў канчатковым рахунку не ствараць падобныя канфліктныя сытуацыі», — цытуе Мядзьведзева «Інтэрфакс».
