Сёньня ў газэце "Народная воля" надрукаваны адкрыты ліст С.Шушкевіча.
Спадар Шушкевіч зьвяртаецца да прэм'ер-міністра Беларусі Сяргея Сідорскага, кіраўніка адміністрацыі прэзыдэнта Ўладзімера Макея, старшыняў абедзьвюх палат Нацыянальнага сходу і старшыні Вышэйшага гаспадарчага суду.
У лісьце гаворыцца, што Вярхоўны Савет Рэспублікі Беларусь 12-га скліканьня прыняў закон аб пажыцьцёвым пэнсійным забесьпячэньні С.Шушкевіча, а 9 верасьня 1997 году быў падпісаны дэкрэт № 16 аб упарадкаваньні пэнсій за асаблівыя заслугі перад беларускім народам. Паводле гэтага дэкрэту яму была прызначаная так званая пэнсія ў памеры 3200 рублёў у месяц. Менавіта столькі зараз і атрымлівае спадар Шушкевіч.
"Відавочна, што дэкрэт, калі ён адпавядае Канстытуцыі, ня можа ператвараць пэнсію ў насьмешку, зрабіць яе меншай за мінімальную сацыяльную пэнсію. Але па нашых законах я сам не магу зьвярнуцца ў Канстытуцыйны суд, каб суд гэта пацьвердзіў. Таму, у адпаведнасьці з артыкулам 116 Канстытуцыі РБ, я прашу Вас зьвярнуцца ў Канстытуцыйны суд, каб ён вызначыў, наколькі адпавядае канстытуцыі РБ дэкрэт прэзыдэнта № 16 ад 9 верасьня 1997 года, згодна зь якім мая пэнсія ператвораная ў насьмешку і ганьбіць ня толькі таго, хто яе прызначыў сваім дэкрэтам, але і ўсе дзяржаўныя інстытуты, якія маюць дачыненьне да сацыяльнага забесьпячэньня", — гаворыцца ў адкрытым лісьце.
Спадар Шушкевіч сказаў карэспандэнту "Свабоды":
"Мая пэнсія захавалася ў тым памеры, у якім яна была ў 1997 годзе. Гэта паказвае, якая інфляцыя была ў нас, якое абясцэньваньне валюты, што мая пэнсія з прыстойнай стала большаю за 1 даляр, але меншаю за 1 эўра".
Спадар Шушкевіч зьвяртаецца да прэм'ер-міністра Беларусі Сяргея Сідорскага, кіраўніка адміністрацыі прэзыдэнта Ўладзімера Макея, старшыняў абедзьвюх палат Нацыянальнага сходу і старшыні Вышэйшага гаспадарчага суду.
У лісьце гаворыцца, што Вярхоўны Савет Рэспублікі Беларусь 12-га скліканьня прыняў закон аб пажыцьцёвым пэнсійным забесьпячэньні С.Шушкевіча, а 9 верасьня 1997 году быў падпісаны дэкрэт № 16 аб упарадкаваньні пэнсій за асаблівыя заслугі перад беларускім народам. Паводле гэтага дэкрэту яму была прызначаная так званая пэнсія ў памеры 3200 рублёў у месяц. Менавіта столькі зараз і атрымлівае спадар Шушкевіч.
"Відавочна, што дэкрэт, калі ён адпавядае Канстытуцыі, ня можа ператвараць пэнсію ў насьмешку, зрабіць яе меншай за мінімальную сацыяльную пэнсію. Але па нашых законах я сам не магу зьвярнуцца ў Канстытуцыйны суд, каб суд гэта пацьвердзіў. Таму, у адпаведнасьці з артыкулам 116 Канстытуцыі РБ, я прашу Вас зьвярнуцца ў Канстытуцыйны суд, каб ён вызначыў, наколькі адпавядае канстытуцыі РБ дэкрэт прэзыдэнта № 16 ад 9 верасьня 1997 года, згодна зь якім мая пэнсія ператвораная ў насьмешку і ганьбіць ня толькі таго, хто яе прызначыў сваім дэкрэтам, але і ўсе дзяржаўныя інстытуты, якія маюць дачыненьне да сацыяльнага забесьпячэньня", — гаворыцца ў адкрытым лісьце.
Спадар Шушкевіч сказаў карэспандэнту "Свабоды":
"Мая пэнсія захавалася ў тым памеры, у якім яна была ў 1997 годзе. Гэта паказвае, якая інфляцыя была ў нас, якое абясцэньваньне валюты, што мая пэнсія з прыстойнай стала большаю за 1 даляр, але меншаю за 1 эўра".
