Індэкс эканамічнай свабоды параўноўвае ўмовы для эканамічнага разьвіцьця ў 179 краінах сьвету.
У рэйтынгу краіны ацэньваюцца паводле 10 паказьнікаў, якія адлюстроўваюць розныя аспэкты эканамічнага жыцьця: свабоду прадпрымальніцтва, гандаль, падатковую сыстэму, урадавыя выдаткі, цэнавую палітыку, свабоду інвэстыцый, банкаўскую сыстэму, забесьпячэньне прыватнай уласнасьці ад пасяганьняў дзяржавы, узровень карупцыі ў эканоміцы, рынак працы. Кожны з гэтых паказьнікаў, як і агульны індэкс эканамічнай свабоды, вымяраецца паводле стобальнай шкалы — 100 балаў адпавядаюць максымуму свабоды, 0 — мінімуму.
Сёлета Беларусь атрымала агульную ацэнку 48,7 бала. Сярод постсавецкіх краінаў горшае за Беларусь месца занялі Ўзбэкістан (158), Украіна (162) і Туркмэністан (171). Найвышэйшы індэкс эканамічнай свабоды ў Эўропе мае Ірляндыя (81,3), якая заняла 5-е месца ў рэйтынгу. Рэйтынг замыкаюць эканомікі Кубы, Зімбабвэ і Паўночнай Карэі.
Вось як выглядае Беларусь у параўнаньні зь некаторымі іншымі краінамі:
Краіна
| Індэкс | Месца |
Ганконг | 89,7 | 1 |
Сынгапур | 86,1 | 2 |
Аўстралія | 82,6 | 3 |
Новая Зэляндыя | 82,1 | 4 |
Ірляндыя | 81,3 | 5 |
Эстонія | 74,7 | 16 |
Літва | 70,3 | 29 |
Малдова | 53,7 | 125 |
Расея | 50,3 | 143 |
Беларусь | 48,7 | 150 |
Узбэкістан | 47,5 | 158 |
Украіна | 46,4 | 162 |
Туркмэністан | 42,5 | 171 |
Дадзеныя па ўсіх краінах можна паглядзець ТУТ.
| 2010 | 2009 | 2008 | 2007 | 2006 | 2005 | 2004 | 2003 |
| 48.7 | 45 | 44,7 | 46,45 | 46,85 | 46,31 | 43,07 | 39,72 |
2002 | 2001 | 2000 | 1999 | 1998 | 1997 | 1996 | 1995 |
39,01 | 38,01 | 41,29 | 35,4 | 37,99 | 39,78 | 38,66 | 40,38 |
