10 снежня ўкраінскі часопіс "Карэспандэнт" апублікаваў свой штогадовы рэйтынг найбольш уплывовых у сьвеце асобаў.
У "дзясятку" разам зь нямецкім канцлерам Ангелай Мэркель, якая атрымала ад украінскіх экспэртаў званьнр "Крызіснага мэнэджэра года", патрапіў і Аляксандар Лукашэнка, ушанаваны намінацыяй "Хітрун года".
На думку часопісу, сёлета беларускі прэзыдэнт зьдзівіў мудрагелістым лавіраваньнем паміж Расеяй і Захадам. Дарэчы, экспэрты раяць не ўспрымаць словы Лукашэнкі наўпрост, бо, на іх думку, ужо і самаму наіўнаму чалавеку павінна быць зразумела, што вясковая прастата і вобраз свойскага хлопца для Лукашэнкі — ня больш, чым роля.
Галоўны рэдактар "Карэспандэнта" Віталь Сыч так патлумачыў Эўрарадыё выбар часопісу:
"Беларусь на чале з Лукашэнкам доўгія гады паказвала сябе як вялікі саюзьнік Расеі і вось сёлета Лукашэнка раптам робіць разварот на 180 градусаў. Мы лічым, што гэта лавіраваньне і ў большай ступені блеф, чым рэальны разварот".
Сваёй "украінскай" намінацыі таксама ўдастоены і Ўладзімір Пуцін. Расейскі прэм'ер атрымаў званьне "Доўгія рукі года". Амэрыканскі прэзыдэнт Барак Абама стаў "Чаканьнем года", а сьпявачка Сюзан Бойл — "Папялушкай года". "Дыктатарам года", паводле "Карэспандэнта", сёлета стаў прэзыдэнт Ірану Махмуд Ахмадзінэжад.
(Алена Літвінава, Эўрарадыё, Кіеў)
У "дзясятку" разам зь нямецкім канцлерам Ангелай Мэркель, якая атрымала ад украінскіх экспэртаў званьнр "Крызіснага мэнэджэра года", патрапіў і Аляксандар Лукашэнка, ушанаваны намінацыяй "Хітрун года".
На думку часопісу, сёлета беларускі прэзыдэнт зьдзівіў мудрагелістым лавіраваньнем паміж Расеяй і Захадам. Дарэчы, экспэрты раяць не ўспрымаць словы Лукашэнкі наўпрост, бо, на іх думку, ужо і самаму наіўнаму чалавеку павінна быць зразумела, што вясковая прастата і вобраз свойскага хлопца для Лукашэнкі — ня больш, чым роля.
Галоўны рэдактар "Карэспандэнта" Віталь Сыч так патлумачыў Эўрарадыё выбар часопісу:
"Беларусь на чале з Лукашэнкам доўгія гады паказвала сябе як вялікі саюзьнік Расеі і вось сёлета Лукашэнка раптам робіць разварот на 180 градусаў. Мы лічым, што гэта лавіраваньне і ў большай ступені блеф, чым рэальны разварот".
Сваёй "украінскай" намінацыі таксама ўдастоены і Ўладзімір Пуцін. Расейскі прэм'ер атрымаў званьне "Доўгія рукі года". Амэрыканскі прэзыдэнт Барак Абама стаў "Чаканьнем года", а сьпявачка Сюзан Бойл — "Папялушкай года". "Дыктатарам года", паводле "Карэспандэнта", сёлета стаў прэзыдэнт Ірану Махмуд Ахмадзінэжад.
(Алена Літвінава, Эўрарадыё, Кіеў)
