На допыт у аддзел міліцыі Віцебскага раёну выклікалі каардынатарку стваранай партыі БХД Тацяну Севярынец і старшыню суполкі Партыі БНФ Кастуся Смолікава. Міліцыянты пыталіся, што актывістам вядома пра зьнікненьне мэмарыяльных крыжоў каля вёскі Паляі.
Менавіта спадарыня Севярынец і спадар Смолікаў падалі 25 верасьня заявы пра зьнікненьне крыжоў на месцы масавых расстрэлаў грамадзян у 1930-40-я гады. Кастусь Смолікаў пісьмова зьвярнуўся ў Варонаўскі сельсавет, дзе прадстаўнікі ўладаў заявілі, што ня маюць дачыненьня да інцыдэнту і не давалі загаду, каб нішчыць крыжы. Тацяна ж Севярынец напісала заяву ў міліцыю.
Ранкам 25 верасьня ёй патэлефанаваў знаёмы, сказаўшы, што крыжы зьніклі — спадар езьдзіць у той лес у грыбы і звычайна адведвае жалобнае месца. Супрацоўнік міліцыі маёр Субоцін паведаміў спадарыні Тацяне, што адзін з апытаных сьведак цьвердзіць, нібыта а сёмай раніцы крыжы яшчэ былі на месцы. Удзень, калі віцебскія актывісты прыехалі, каб усё ўбачыць на ўласныя вочы, яны знайшлі толькі ямку ад аднаго з крыжоў, “пянёк” ад сьпілаванага другога, а ад трэцяга крыжа не засталося і знаку.
Гэтыя тры драўляныя крыжы ў розныя гады тут усталёўвалі віцебскія апазыцыянэры, тут жа праходзілі грамадзкія паніхіды і ўскладаньне кветак на Дзяды. Некранутым заставаўся толькі вялікі жалезны крыж, пастаўлены з ініцыятывы праваслаўнай царквы.
Міліцыянты распачалі адміністрацыйную справу, аднак вінаватых у вандалізьме знайсьці пакуль не ўдалося.
Паводле Тацяны Севярынец, супрацоўнік РАУСу шмат распытваў яе ня толькі пра крыжы, але і пра пляны БХД. Пытаўся таксама, ці ёсьць у апазыцыянэраў дазвол, каб ставіць нейкія памятныя знакі.
З дня зьнікненьня крыжоў прайшоў амаль месяц. І спадарыня Тацяна не выключае, што раптоўная актыўнасьць міліцыянтаў выклікана зьяўленьнем новага крыжа ў “віцебскіх Курапатах” тры дні таму. Паводле апазыцыянэра Барыса Хамайды, гэта мог зрабіць легендарны Мірон. Іншыя прадстаўнікі віцебскіх дэмакратычных колаў таксама зьбіраюцца аднавіць зьнішчаныя крыжы ды яшчэ ўсталяваць новыя.
Менавіта спадарыня Севярынец і спадар Смолікаў падалі 25 верасьня заявы пра зьнікненьне крыжоў на месцы масавых расстрэлаў грамадзян у 1930-40-я гады. Кастусь Смолікаў пісьмова зьвярнуўся ў Варонаўскі сельсавет, дзе прадстаўнікі ўладаў заявілі, што ня маюць дачыненьня да інцыдэнту і не давалі загаду, каб нішчыць крыжы. Тацяна ж Севярынец напісала заяву ў міліцыю.
 |
 |
Гэтыя тры драўляныя крыжы ў розныя гады тут усталёўвалі віцебскія апазыцыянэры, тут жа праходзілі грамадзкія паніхіды і ўскладаньне кветак на Дзяды. Некранутым заставаўся толькі вялікі жалезны крыж, пастаўлены з ініцыятывы праваслаўнай царквы.
Міліцыянты распачалі адміністрацыйную справу, аднак вінаватых у вандалізьме знайсьці пакуль не ўдалося.
Паводле Тацяны Севярынец, супрацоўнік РАУСу шмат распытваў яе ня толькі пра крыжы, але і пра пляны БХД. Пытаўся таксама, ці ёсьць у апазыцыянэраў дазвол, каб ставіць нейкія памятныя знакі.
З дня зьнікненьня крыжоў прайшоў амаль месяц. І спадарыня Тацяна не выключае, што раптоўная актыўнасьць міліцыянтаў выклікана зьяўленьнем новага крыжа ў “віцебскіх Курапатах” тры дні таму. Паводле апазыцыянэра Барыса Хамайды, гэта мог зрабіць легендарны Мірон. Іншыя прадстаўнікі віцебскіх дэмакратычных колаў таксама зьбіраюцца аднавіць зьнішчаныя крыжы ды яшчэ ўсталяваць новыя.
