У Астраўцы карэспандэнту Свабоды разьбілі шыбу ў машыне

На здымку — машына нашага карэспандэнта Міхала Карневіча. У той час, калі ён знаходзіўся ў залі астравецкага кінатэатру на слуханьнях па будаўніцтве АЭС, невядомы выбіў шыбу.

Ніхто ня бачыў, хто гэта зрабіў, хоць усё адбылося ў цэнтры гораду сярод белага дня.

Машына стаяла на стаянцы побач зь “Белаграпрамбанкам”. У банку ёсьць міліцыянт і вядзецца вонкавае відэаназіраньне. Міліцыянт патлумачыў, што нічога ня бачыў, а відэакамэра, зь ягоных слоў, не ахоплівае стаянку.