Алег Рудакоў: Топ Свабоды, серада

08 кастрычнік 2009, 11:59

Грамадзкі рэдактар гэтага тыдня – Алег Рудакоў. Яму сорак гадоў. Нарадзіўся ў полацкай вёсцы Бязьдзевічы. Закончыў ваеннае вучылішча, а пасьля арміі – гістфак Іркуцкага дзяржаўнага ўнівэрсытэту. У 1996-м стварыў і ўзначальвае дагэтуль “Іркуцкае таварыства беларускай культуры імя Яна Чэрскага”. Яно – буйнейшае сярод сарака нацыянальна-культурных утварэньняў у рэгіёне і адно зь лепшых у Расеі сярод беларускіх.

Алег Рудакоў вызначыў 5 лепшых матэрыялаў сайту Свабода за 7 кастрычніка, серада:

Не спадабаўся Алегу Рудакову - Амбасадар Сурыкаў пра Беларусь і мяцежныя рэспублікі

Матэрыял пададзены добра. Пытаньняў няма да карэспандэнта. Але выказваньні амбасадара абураюць. Бо гэта чарговая “палітычная” дэмагогія. Гэты “палітык” кажа толькі тое, што зьмякчае сытуацыю, але толькі не праўду пра яе.

Адным словам - чарговая палітычная хлусьня!

Вось пасьля гэткага людзі і кажуць, што “палітыка – брудная справа”.