Спартовыя чыноўнікі запэўнілі: за пяць наступных гадоў для прыёму замежных камандаў і заўзятараў будзе падрыхтаваная неабходная інфраструктура, а чэмпіянат сьвету зьдзівіць удзельнікаў сваім размахам. Усяго за гэты час у Беларусі плянуецца ўзьвесьці тры дзясяткі лядовых палацаў. Колькі будзе каштаваць беларусам гэты чэмпіянат?
Агітаваць за Беларусь у Швайцарыю езьдзіў асабіста старшыня Фэдэрацыі хакею Беларусі, экс-міністар унутраных спраў Уладзімер Навумаў. Ад 2006 году ён значыцца ў сьпісах беларускіх чыноўнікаў, якім забаронены ўезд у краіны Эўразьвязу. Швайцарыя таксама далучылася да гэтага рашэньня, аднак генэрал зазначае, што ніякіх візавых праблемаў ня меў. Я пацікавіўся: ці магло на станоўчым рашэньні адбіцца тое, што цяпер ён ня мае рангу сілавога міністра?
“У мяне не было праблем з атрыманьнем візы, і, дарэчы, атрымліваў я яе, знаходзячыся на пасадзе міністра. То бок я раней атрымліваў візу, чым прыняў рашэньне сысьці з гэтай пасады. Справа ў тым, што гэта розныя рэчы — спартовыя мерапрыемствы і службовая пасада. Да таго ж ёсьць абавязаньне Міжнароднага алімпійскага камітэту — даваць магчымасьць вырашаць спартовыя пытаньні. Я вельмі прасіў аргкамітэт, таму што разумеў: заяўка безь мяне ня ў поўнай меры магла б адбыцца. Так ужо было ў мінулыя разы, калі я ня езьдзіў. У выніку атрымалася тое, што маем”.
Перад выхадам у адстаўку Навумаў таксама сказаў, што вызначыцца са сваёй будучыняй на пасадзе кіраўніка старшыні Фэдэрацыі хакею ў залежнасьці ад таго, ці атрымае Беларусь права правядзеньня чэмпіянату. Аднак сёньня заявіў, што мусіць наконт гэтага яшчэ параіцца з калегамі:
Фігуркі хакеістаў на стале Ўладзімера Навумава“Ведаеце, я яшчэ сапраўды не прыняў канчатковага рашэньня. Адзінае, што пасьля таго як прайшоў чарговы, дастаткова цікавы для сябе адрэзак у выглядзе атрыманьня чэмпіянату сьвету, думаю, што на наступным тыдні мы правядзём выканкам Фэдэрацыі хакею і я яшчэ параюся са сваімі калегамі”.
Колькі будзе каштаваць для Беларусі чэмпіянат сьвету? Яшчэ раней Уладзімер Навумаў запэўніваў: Беларусь ня мае за мэту абагаціцца на хакейным першынстве, аднак пры любым раскладзе форум папоўніць дзяржаўны бюджэт. А вось памер выдаткаў на падрыхтоўку надта не афішуецца. Пакуль што называецца лічба блізу 12 мільёнаў даляраў, якія пойдуць на рэкляму, друкаваньне квіткоў і даведачнай літаратуры. Зразумела, што будаўніцтва лядовых комплексаў абыдзецца ў нашмат большыя грошы. Так, 15-тысячная “Мінск-Арэна”, якую мяркуюць здаць сёлета 7 лістапада, як заяўляюць беларускія чыноўнікі, будзе самай сучаснай у сьвеце. Паводле папярэдніх зьвестак, агульны кошт толькі гэтай арэны перавысіць 100 мільёнаў даляраў. Між тым заплянаваны прыбытак ад чэмпіянату сьвету Навумаў ацэньваў у суму напалову меншую — 40-50 мільёнаў даляраў.
Тым часам у менскім мікрараёне Чыжоўка ўжо пачалі капаць катлаван пад другі хакейны палац на 8,5 тысяч гледачоў. Гэтаксама немалыя сродкі запатрабуюцца на будаўніцтва новых гатэляў і рэканструкцыю тых, якія ўжо існуюць. Паводле Генэральнага сакратара Фэдэрацыі хакею Беларусі Сяргея Ганчарова, да 2014 году ў Беларусі запрацуе 48 хакейных арэнаў. Прычым за пяць бліжэйшых гадоў будуць здадзеныя пляцоўкі ў 30 гарадох.
Сяргей ГанчароўУладзімер Навумаў лічыць, што асноўных прыбыткаў трэба чакаць ад замежных турыстаў, якіх чакаецца больш за 50 тысяч. Прычым добрую палову могуць скласьці расейцы. Апроч таго, падчас прэзэнтацыі беларускай заяўкі ў Бэрне Навумаў паабяцаў, што на час правядзеньня сусьветнага першынства Беларусь стане бязьвізавай краінай: цягам двух ці трох тыдняў кожны замежнік зможа наведаць Беларусь без аніякіх праблемаў. Цяпер з-за дарагоўлі беларускіх візаў і складанасьцяў зь іх афармленьнем прыезд у Беларусь іншаземцаў практычна зьведзены да нуля.
Незалежныя экспэрты лічаць: пераарыентацыя фінансавых патокаў на хакейную інфраструктуру кепска адаб’ецца на астатніх відах спорту, якія будуць вымушаныя пачакаць, пакуль у краіне будуюцца лядовыя палацы. Вось меркаваньне былога спартовага камэнтатара Беларускага тэлебачаньня Ўладзімера Даўжэнкі:
“Канечне, да 2014 году можа вельмі многае зьмяніцца ва ўсіх сфэрах. Але, улічваючы крызіс, трэба быць больш сьціплымі. Прыкладам, сёлетняе „Эўрабачаньне“ абышлося ў 35 мільёнаў эўра. Некалькі гадоў таму конкурс быў у Грэцыі, грэкі спакойна „ўлезьлі“ ў 14 мільёнаў. То бок гэты гігантызм нікому не патрэбны. Зараз пачнуць масава будаваць палацы (у Чыжоўцы ўжо пачалі), гэта значыць, будуць адразаць ад іншых. Нібыта плянуюць прыбытак атрымаць у 40 мільёнаў даляраў, але прынамсі 12 мільёнаў трэба бухнуць цяпер. А гэта значная лічба. І чэмпіянат сьвету, калі лягічна разважаць, то гэта прыхамаць — пры ўсёй павазе да нашых хакеістаў і іхнага разьдзьмутага 8 месца. Правядзеньне чэмпіянатаў сьвету — гэта не паказьнік здароўя нацыі. Прайшла інфармацыя, што скарацілася 785 ставак настаўнікаў фізкультуры. Вось дзе ўдар па здароўі. А чэмпіянат сьвету — гэта нейкае створанае самаўяўленьне. Але зусім не абавязкова яго праводзіць”.
Агітаваць за Беларусь у Швайцарыю езьдзіў асабіста старшыня Фэдэрацыі хакею Беларусі, экс-міністар унутраных спраў Уладзімер Навумаў. Ад 2006 году ён значыцца ў сьпісах беларускіх чыноўнікаў, якім забаронены ўезд у краіны Эўразьвязу. Швайцарыя таксама далучылася да гэтага рашэньня, аднак генэрал зазначае, што ніякіх візавых праблемаў ня меў. Я пацікавіўся: ці магло на станоўчым рашэньні адбіцца тое, што цяпер ён ня мае рангу сілавога міністра?
“У мяне не было праблем з атрыманьнем візы, і, дарэчы, атрымліваў я яе, знаходзячыся на пасадзе міністра. То бок я раней атрымліваў візу, чым прыняў рашэньне сысьці з гэтай пасады. Справа ў тым, што гэта розныя рэчы — спартовыя мерапрыемствы і службовая пасада. Да таго ж ёсьць абавязаньне Міжнароднага алімпійскага камітэту — даваць магчымасьць вырашаць спартовыя пытаньні. Я вельмі прасіў аргкамітэт, таму што разумеў: заяўка безь мяне ня ў поўнай меры магла б адбыцца. Так ужо было ў мінулыя разы, калі я ня езьдзіў. У выніку атрымалася тое, што маем”.
Перад выхадам у адстаўку Навумаў таксама сказаў, што вызначыцца са сваёй будучыняй на пасадзе кіраўніка старшыні Фэдэрацыі хакею ў залежнасьці ад таго, ці атрымае Беларусь права правядзеньня чэмпіянату. Аднак сёньня заявіў, што мусіць наконт гэтага яшчэ параіцца з калегамі:
Колькі будзе каштаваць для Беларусі чэмпіянат сьвету? Яшчэ раней Уладзімер Навумаў запэўніваў: Беларусь ня мае за мэту абагаціцца на хакейным першынстве, аднак пры любым раскладзе форум папоўніць дзяржаўны бюджэт. А вось памер выдаткаў на падрыхтоўку надта не афішуецца. Пакуль што называецца лічба блізу 12 мільёнаў даляраў, якія пойдуць на рэкляму, друкаваньне квіткоў і даведачнай літаратуры. Зразумела, што будаўніцтва лядовых комплексаў абыдзецца ў нашмат большыя грошы. Так, 15-тысячная “Мінск-Арэна”, якую мяркуюць здаць сёлета 7 лістапада, як заяўляюць беларускія чыноўнікі, будзе самай сучаснай у сьвеце. Паводле папярэдніх зьвестак, агульны кошт толькі гэтай арэны перавысіць 100 мільёнаў даляраў. Між тым заплянаваны прыбытак ад чэмпіянату сьвету Навумаў ацэньваў у суму напалову меншую — 40-50 мільёнаў даляраў.
Тым часам у менскім мікрараёне Чыжоўка ўжо пачалі капаць катлаван пад другі хакейны палац на 8,5 тысяч гледачоў. Гэтаксама немалыя сродкі запатрабуюцца на будаўніцтва новых гатэляў і рэканструкцыю тых, якія ўжо існуюць. Паводле Генэральнага сакратара Фэдэрацыі хакею Беларусі Сяргея Ганчарова, да 2014 году ў Беларусі запрацуе 48 хакейных арэнаў. Прычым за пяць бліжэйшых гадоў будуць здадзеныя пляцоўкі ў 30 гарадох.
Незалежныя экспэрты лічаць: пераарыентацыя фінансавых патокаў на хакейную інфраструктуру кепска адаб’ецца на астатніх відах спорту, якія будуць вымушаныя пачакаць, пакуль у краіне будуюцца лядовыя палацы. Вось меркаваньне былога спартовага камэнтатара Беларускага тэлебачаньня Ўладзімера Даўжэнкі:
“Канечне, да 2014 году можа вельмі многае зьмяніцца ва ўсіх сфэрах. Але, улічваючы крызіс, трэба быць больш сьціплымі. Прыкладам, сёлетняе „Эўрабачаньне“ абышлося ў 35 мільёнаў эўра. Некалькі гадоў таму конкурс быў у Грэцыі, грэкі спакойна „ўлезьлі“ ў 14 мільёнаў. То бок гэты гігантызм нікому не патрэбны. Зараз пачнуць масава будаваць палацы (у Чыжоўцы ўжо пачалі), гэта значыць, будуць адразаць ад іншых. Нібыта плянуюць прыбытак атрымаць у 40 мільёнаў даляраў, але прынамсі 12 мільёнаў трэба бухнуць цяпер. А гэта значная лічба. І чэмпіянат сьвету, калі лягічна разважаць, то гэта прыхамаць — пры ўсёй павазе да нашых хакеістаў і іхнага разьдзьмутага 8 месца. Правядзеньне чэмпіянатаў сьвету — гэта не паказьнік здароўя нацыі. Прайшла інфармацыя, што скарацілася 785 ставак настаўнікаў фізкультуры. Вось дзе ўдар па здароўі. А чэмпіянат сьвету — гэта нейкае створанае самаўяўленьне. Але зусім не абавязкова яго праводзіць”.
