Са слоў старшыні прафсаюзу Валянціна Бранцэвіча, арэндадаўца – рынак “Карона”, які сам арэндуе плошчы ў прадпрыемства “Гранітэкс” – плоціць таму 3,49 эўра за адзін мэтар квадратны, а здае прадпрымальнікам па цане 21.65 эўра.
Спадар Бранцэвіч кажа, што згодна прэзыдэнцкага ўказу №168, арэндная плата павінна складаць 6 эўра за квадрат, але акрамя гэтага існуе яшчэ падвышальны каэфіцыент, які зацьвярджаецца старшынём аблвыканкаму.
Бранцэвіч: “Канечне, гэта зашмат. Улічваючы, што продажы вельмі слабыя, а эўра расьце, людзі незадаволеныя такой аплатай. За месяц яна складае два і больш мільёны рублёў”.
Прадпрымальніца Натальля, якая арэндуе плошчу пад гандлёвае месца на рынку “Карона”, кажа, што цяпер у арэнднай аплаце ніхто ня можа разабрацца.
Ад пачатку яна плаціла 15 эўра, а сёньня нават пасьля 10 працэнтнай скідкі – больш за 21 эўра. У выніку нельга за месяц «адбіць», як кажуць, нават арэнду, а ня тое, каб разьлічваць на нейкі прыбытак.
Спадарыня: “Наагул за 20 м.кв. я плачу (у мяне падатак 120 эўра – тарыфная стаўка такая, якая потым памнажаецца на плошчу й на каэфіцыент) за арэнду й камунальныя паслугі 2 мільёны ды 2 мільёны – падатак і НДС. Усяго 4 мільёны”.
Прадпрымальнікі пісалі ўжо скаргі ў Адміністрацыю прэзыдэнта, Гарадзенскі аблвыканкам, прадпрыемства “Гранітэкс” і ў Беллегпрам.
Спадарыня: “Зь дзьвюх інстанцый прыйшлі адказы: зь Беллегпрама і “Гранітэкса”. Яны пішуць, што арэндная стаўка была ўстаноўлена рэспубліканскай камісіяй па нерухомасьці, маўляў, ня мы ўстанаўлівалі й ня нам адмяняць”.
Намесьнік генэральнага дырэктара рынка “Карона” Ісак Манашыдаў на маё пытаньне пра высокія арэндныя стаўкі адказвае наступнае:
Манашыдаў: “Канечне, людзям цяжка арэнду плаціць, падаткі плаціць, таму мы пра гэта думаем. Мы ж у лютым трохі панізілі арэнду, вось ізноў думаем, як бы гэта яшчэ хоць трошкі зьнізіць”.
Былы прафсаюзны лідэр і палітвязень Валер Леванеўскі зьвяртае ўвагу на тое, што праблема ляжыць у юрыдычным рэчышчы.
Леванеўскі: “У прынцыпе кожны з прадпрымальнікаў можа зьвярнуцца ў гаспадарчы суд, а такіх прэтэндэнтаў няма. А вось няхай бы нехта пісьмова зьвярнуўся да кіраўніцтва “Кароны” з тым, каб зьнізілі арэнду, а потым з гэтым адказам у суд. Але ж нават і такіх зваротаў няма”.
Валеры Леванеўскі кажа, што падчас крызысу дзяржава павінна зьніжаць падаткі, стаўкі арэнды, каб падтрымаць прадпрымальнікаў, але, на яго думку, у дзяржаве ўсё робіцца наадварот.
У аўторак а 17-й гадзіне прадпрымальнікі “Кароны” зьбяруцца на сход, каб абмеркаваць свае далейшыя дзеяньні.
Спадар Бранцэвіч кажа, што згодна прэзыдэнцкага ўказу №168, арэндная плата павінна складаць 6 эўра за квадрат, але акрамя гэтага існуе яшчэ падвышальны каэфіцыент, які зацьвярджаецца старшынём аблвыканкаму.
Бранцэвіч: “Канечне, гэта зашмат. Улічваючы, што продажы вельмі слабыя, а эўра расьце, людзі незадаволеныя такой аплатай. За месяц яна складае два і больш мільёны рублёў”.
Прадпрымальніца Натальля, якая арэндуе плошчу пад гандлёвае месца на рынку “Карона”, кажа, што цяпер у арэнднай аплаце ніхто ня можа разабрацца.
Ад пачатку яна плаціла 15 эўра, а сёньня нават пасьля 10 працэнтнай скідкі – больш за 21 эўра. У выніку нельга за месяц «адбіць», як кажуць, нават арэнду, а ня тое, каб разьлічваць на нейкі прыбытак.
Спадарыня: “Наагул за 20 м.кв. я плачу (у мяне падатак 120 эўра – тарыфная стаўка такая, якая потым памнажаецца на плошчу й на каэфіцыент) за арэнду й камунальныя паслугі 2 мільёны ды 2 мільёны – падатак і НДС. Усяго 4 мільёны”.
Прадпрымальнікі пісалі ўжо скаргі ў Адміністрацыю прэзыдэнта, Гарадзенскі аблвыканкам, прадпрыемства “Гранітэкс” і ў Беллегпрам.
Спадарыня: “Зь дзьвюх інстанцый прыйшлі адказы: зь Беллегпрама і “Гранітэкса”. Яны пішуць, што арэндная стаўка была ўстаноўлена рэспубліканскай камісіяй па нерухомасьці, маўляў, ня мы ўстанаўлівалі й ня нам адмяняць”.
Намесьнік генэральнага дырэктара рынка “Карона” Ісак Манашыдаў на маё пытаньне пра высокія арэндныя стаўкі адказвае наступнае:
Манашыдаў: “Канечне, людзям цяжка арэнду плаціць, падаткі плаціць, таму мы пра гэта думаем. Мы ж у лютым трохі панізілі арэнду, вось ізноў думаем, як бы гэта яшчэ хоць трошкі зьнізіць”.
Былы прафсаюзны лідэр і палітвязень Валер Леванеўскі зьвяртае ўвагу на тое, што праблема ляжыць у юрыдычным рэчышчы.
Леванеўскі: “У прынцыпе кожны з прадпрымальнікаў можа зьвярнуцца ў гаспадарчы суд, а такіх прэтэндэнтаў няма. А вось няхай бы нехта пісьмова зьвярнуўся да кіраўніцтва “Кароны” з тым, каб зьнізілі арэнду, а потым з гэтым адказам у суд. Але ж нават і такіх зваротаў няма”.
Валеры Леванеўскі кажа, што падчас крызысу дзяржава павінна зьніжаць падаткі, стаўкі арэнды, каб падтрымаць прадпрымальнікаў, але, на яго думку, у дзяржаве ўсё робіцца наадварот.
У аўторак а 17-й гадзіне прадпрымальнікі “Кароны” зьбяруцца на сход, каб абмеркаваць свае далейшыя дзеяньні.
