Актывісты Кансэрватыўна-Хрысьціянскай партыі БНФ Алесь Макаў і Алег Сьвірыдаў сёньня выяжджалі ва ўрочышча Курапаты разам са сьледчымі бараўлянскай міліцыі. Сьледчыя патлумачылі, што ў рамках крымінальнай справы, якую распачалі паводле артыкулу 344 (наўмыснае пашкоджаньне гісторыка-культурных каштоўнасьцяў), будзе пазьней праводзіцца сьледчы экспэрымэнт.
Сёньня ж у сьветлы час сутак ім неабходна было зафіксаваць тыя кропкі, на якіх падчас экспэрымэнту будуць знаходзіцца Алег Сьвірыдаў і Алесь Макаў, каб праверыць іх паказаньні.
Затрыманыя актвістамі дзецюкі1 лістапада напярэдадні правядзеньня шэсьця на Дзяды, позна ўвечары Алесь і Алег знаходзіліся на мэмарыяльным комплексе Курапаты, згодна з графікам дзяжурства, складзеным актывістамі Кансэрватыўна-Хрысьціянскай партыі БНФ. Яны апавялі, што ўбачылі двух падлеткаў, якія білі нагамі па крыжах і тыя валіліся на зямлю. Макаў і Сьвірыдаў затрымалі хлопцаў і выклікалі міліцыю.
Акты вандалізму ў Курапатах адбываліся некалькі разоў. Толькі так званую “лаву Клінтана”, памятны знак “Ад народу ЗША народу Беларусі дзеля памяці”, руйнавалі 12 разоў.
Прыканцы 2005 году невядомыя апаганілі фашысцкай свастыкай крыжы й абраз Маці Божай Курапацкай. Летась напярэдадні Дзядоў зламалі Крыж Пакуты.
Менская раённая пракуратура распачынала па фактах вандалізму крымінальныя справы, але злачынцаў ніколі не знаходзілі.
Падлеткі маюць статус падазраваных у крымінальнай справе. Сёньня іх не прывозілі ў Курапаты.
Алесь Макаў распавёў “Свабодзе”:
“Ніякіх пытаньняў не задавалі. Папросту яшчэ раз упершыню на месцы падзеяў распавёў, што адбывалася тады, 1 лістапада, каб была прывязка да мясцовасьці. Я распавёў пра тое дзе хто ў той час знаходзіўся, адкуль мы іх убачылі і дзе затрымалі.
Далей будзе сьледчы экспэрымэнт, галоўная задача якога — высьветліць, наколькі мы маглі бачыць, і ці была магчымасьць таго, што нехта іншы зрабіў тое, што было зроблена”.
Сьледчая Бараўлянскай міліцыі Алена Хільчук, якая вядзе гэтую справу, паведаміла, што пасьля сьледчага экспэрымэнту, які мае адбыцца ў цёмны час сутак, вызначыцца — прад’яўляць абвінавачаньне і накіроўваць справу ў суд, ці — скасаваць яе з-за адсутнасьці доказаў віны падазраваных.
Сёньня ж у сьветлы час сутак ім неабходна было зафіксаваць тыя кропкі, на якіх падчас экспэрымэнту будуць знаходзіцца Алег Сьвірыдаў і Алесь Макаў, каб праверыць іх паказаньні.
Акты вандалізму ў Курапатах адбываліся некалькі разоў. Толькі так званую “лаву Клінтана”, памятны знак “Ад народу ЗША народу Беларусі дзеля памяці”, руйнавалі 12 разоў.
Прыканцы 2005 году невядомыя апаганілі фашысцкай свастыкай крыжы й абраз Маці Божай Курапацкай. Летась напярэдадні Дзядоў зламалі Крыж Пакуты.
Менская раённая пракуратура распачынала па фактах вандалізму крымінальныя справы, але злачынцаў ніколі не знаходзілі.
Падлеткі маюць статус падазраваных у крымінальнай справе. Сёньня іх не прывозілі ў Курапаты.
Алесь Макаў распавёў “Свабодзе”:
“Ніякіх пытаньняў не задавалі. Папросту яшчэ раз упершыню на месцы падзеяў распавёў, што адбывалася тады, 1 лістапада, каб была прывязка да мясцовасьці. Я распавёў пра тое дзе хто ў той час знаходзіўся, адкуль мы іх убачылі і дзе затрымалі.
Далей будзе сьледчы экспэрымэнт, галоўная задача якога — высьветліць, наколькі мы маглі бачыць, і ці была магчымасьць таго, што нехта іншы зрабіў тое, што было зроблена”.
Сьледчая Бараўлянскай міліцыі Алена Хільчук, якая вядзе гэтую справу, паведаміла, што пасьля сьледчага экспэрымэнту, які мае адбыцца ў цёмны час сутак, вызначыцца — прад’яўляць абвінавачаньне і накіроўваць справу ў суд, ці — скасаваць яе з-за адсутнасьці доказаў віны падазраваных.
