Падлеткаў падазраюць у наўмысным пашкоджаньні гісторыка-культурных каштоўнасьцяў. Закон дазваляе да суду трымаць іх пад вартай. Затрыманыя сваю віну не прызнаюць. Яны сьцьвярджаюць, што ішлі міма і крыжоў не чапалі.
Падлеткаў затрымалі Алесь Макаў і Алег Сьвірыдаў за некалькі гадзінаў да пачатку жалобнага шэсьця на Дзяды. Міліцыянты засьведчылі, што маладзёны зламалі пяць крыжоў.
Алег Сьвірыдаў быў у міліцыі ў той час, калі падлеткам пасьля допыту паведамілі, што яны зьяўляюцца падазраванымі ў крымінальнай справе.
“Яблык ад яблыні недалёка падае. Ва ўзросьце ад 16 да 18 яшчэ ня цалкам атрымаўся чалавек. Што будзе з гэтым людзьмі надалей – адзін Бог ведае”.
Каб для іншых быў прыклад, трэба пакараць сурова
“Хацелі на Дзяды, 2 лістапада, зрабіць красамоўны падарунак (у двукосьсі, канешне). Маўляў прыходзіць калёна, а тут паламаныя крыжы і гэтак далей. Але, не атрымалася. Каб для іншых быў прыклад, трэба пакараць сурова”.
Павал Севярынец сам неаднойчы бываў у камэрах сьледчага ізалятару, але за палітычную дзейнасьць, у тым ліку і за абарону Курапатаў ў лістападзе 2002-га.
Ён разам са сваімі паплечнікамі ладзіў талаку ў Курапатах, дапамагаў усталёўваць крыжы, якія некалькі разоў ламалі вандалы.
Павал Севярынец
Ці трэба сурова караць гэтых людзей? Я перакананы, што перш за ўсё патрэбны адкрыты шматлюдны суд”.
Упершыню ўдалося затрымаць людзей, якія ламалі крыжы. Але дагэтуль не знайшлі тых, хто ламаў “Лаву Клінтана”, наносіў на абраз Маці Божай Курапацкай і мэмарыяльныя знакі Курапатаў фашысцкую свастыку.
