Са справаздачамі выступалі ўдзельнікі сойму. Меркаваньні некаторых зь іх запісаў наш карэспандэнт.
Старшыня Магілёўскай абласной арганізацыі Рыгор Кастусёў паведамляе, што ў сваёй справаздачы крытыкаваў дзеяньні кіраўнікоў БНФ, якія прывялі да выключэньня з партыі Алеся Міхалевіча.
“Я назваў гэты працэс самаедзтвам у партыі. На жаль, гэта ня першы выпадак выключэньня. Раней Вячаслава Сіўчыка выключылі. Не чакаў выключэньня, а сам сышоў Павал Севярынец. Сышоў і Ўладзімер Колас. Безумоўна, што яны былі карысныя для партыі. Але, на жаль, яны нібыта не патраплялі ў тую каляіну, па якой хацелася б весьці БНФ кіраўніцтву — менскім старшыням і іх намесьнікам.
Ня ўсё мне пакуль што зразумела. У прыватнасьці, чаму так адбываецца? Можа, зачышчаецца поле пад новага чалавека, які жадае прыйсьці? А можа, партыю жадаюць прадаць? Ёсьць такія варыянты і магчымасьці”.
Далей гаворыць старшыня Гарадзенскай абласной арганізацыі партыі БНФ Сяргей Мальчык:
“Мы ўжо абмяркоўвалі сытуацыю зь сябрамі Слонімскай арганізацыі партыі БНФ. Стаўленьне вельмі нэгатыўнае. Зразумела, што зьявілася разгубленасьць, узмацніліся праблемы. З рэгіёнамі цэнтру будзе працаваць цяжэй. Гэта — відавочна”.
Старшыня Гомельскай абласной арганізацыі БНФ Валеры Пуціцкі паведамляе, што на сойме не галасаваў за выключэньне Алеся Міхалевіча. Меркаваньне спадара Пуціцкага:
“Алеся Міхалевіча я ведаю добра. Мяне ўразіла меркаваньне Юрыя Хадыкі, які казаў: “Я гэты Фронт арганізоўваў тады, калі вы яшчэ дзіцячы садок наведвалі. Таму мусіце ісьці паводле генэральнай лініі БНФ, якая была выпрацавана ў 1988 годзе”. А калі хто нарадзіўся толькі ў 88-м годзе? “У такім разе яму толькі ўлёткі разносіць, а кіраваць будзем мы”, — так яны лічаць”.
Нагадаю, што галасаваньне на сойме БНФ было таемным, і ня ўсе, хто ў ім удзельнічаў, схільныя падрабязна тлумачыць сваю пазыцыю. Вось як адказаў на наша пытаньне Кастусь Смольнікаў — ён узначальвае Віцебскую абласную арганізацыю партыі БНФ:
“Цяжкавата пакуль думаць і нешта тлумачыць. Па-першае, усе мы цудоўна разумеем, што такая сытуацыя не павінна была адбыцца. Але калі яна адбылася, то на гэта былі важкія прычыны. Мяркую, што пройдзе месяц і ўсё будзе нармальна”.
Старшыня Менскай абласной арганізацыі партыі БНФ Зьміцер Вінаградаў упэўнены, што цяперашні канфлікт у партыі — вынік дрэннай дысцыпліны:
“На жаль, на сёньняшні дзень у партыі няма моцнай дысцыпліны. Людзі таксама расслабіліся. У выніку партыя — нібыта грамадзкая арганізацыя. А мы ж не павінны выносіць сьмецьце з хаты. Ёсьць сойм, на якім можна біцца — хоць забіцца. А выйшлі з хаты — ня трэба выносіць сьмецьце. Гэта на руку нашым нядобразычліўцам. Ня трэба гэтага рабіць”.
Старшыня Магілёўскай абласной арганізацыі Рыгор Кастусёў паведамляе, што ў сваёй справаздачы крытыкаваў дзеяньні кіраўнікоў БНФ, якія прывялі да выключэньня з партыі Алеся Міхалевіча.
“Я назваў гэты працэс самаедзтвам у партыі. На жаль, гэта ня першы выпадак выключэньня. Раней Вячаслава Сіўчыка выключылі. Не чакаў выключэньня, а сам сышоў Павал Севярынец. Сышоў і Ўладзімер Колас. Безумоўна, што яны былі карысныя для партыі. Але, на жаль, яны нібыта не патраплялі ў тую каляіну, па якой хацелася б весьці БНФ кіраўніцтву — менскім старшыням і іх намесьнікам.
Ня ўсё мне пакуль што зразумела. У прыватнасьці, чаму так адбываецца? Можа, зачышчаецца поле пад новага чалавека, які жадае прыйсьці? А можа, партыю жадаюць прадаць? Ёсьць такія варыянты і магчымасьці”.
Далей гаворыць старшыня Гарадзенскай абласной арганізацыі партыі БНФ Сяргей Мальчык:
“Мы ўжо абмяркоўвалі сытуацыю зь сябрамі Слонімскай арганізацыі партыі БНФ. Стаўленьне вельмі нэгатыўнае. Зразумела, што зьявілася разгубленасьць, узмацніліся праблемы. З рэгіёнамі цэнтру будзе працаваць цяжэй. Гэта — відавочна”.
Старшыня Гомельскай абласной арганізацыі БНФ Валеры Пуціцкі паведамляе, што на сойме не галасаваў за выключэньне Алеся Міхалевіча. Меркаваньне спадара Пуціцкага:
“Алеся Міхалевіча я ведаю добра. Мяне ўразіла меркаваньне Юрыя Хадыкі, які казаў: “Я гэты Фронт арганізоўваў тады, калі вы яшчэ дзіцячы садок наведвалі. Таму мусіце ісьці паводле генэральнай лініі БНФ, якая была выпрацавана ў 1988 годзе”. А калі хто нарадзіўся толькі ў 88-м годзе? “У такім разе яму толькі ўлёткі разносіць, а кіраваць будзем мы”, — так яны лічаць”.
Нагадаю, што галасаваньне на сойме БНФ было таемным, і ня ўсе, хто ў ім удзельнічаў, схільныя падрабязна тлумачыць сваю пазыцыю. Вось як адказаў на наша пытаньне Кастусь Смольнікаў — ён узначальвае Віцебскую абласную арганізацыю партыі БНФ:
“Цяжкавата пакуль думаць і нешта тлумачыць. Па-першае, усе мы цудоўна разумеем, што такая сытуацыя не павінна была адбыцца. Але калі яна адбылася, то на гэта былі важкія прычыны. Мяркую, што пройдзе месяц і ўсё будзе нармальна”.
Старшыня Менскай абласной арганізацыі партыі БНФ Зьміцер Вінаградаў упэўнены, што цяперашні канфлікт у партыі — вынік дрэннай дысцыпліны:
“На жаль, на сёньняшні дзень у партыі няма моцнай дысцыпліны. Людзі таксама расслабіліся. У выніку партыя — нібыта грамадзкая арганізацыя. А мы ж не павінны выносіць сьмецьце з хаты. Ёсьць сойм, на якім можна біцца — хоць забіцца. А выйшлі з хаты — ня трэба выносіць сьмецьце. Гэта на руку нашым нядобразычліўцам. Ня трэба гэтага рабіць”.
