Дата дня:
22 лістапада 1944 году ў Менску памёр Кузьма Чорны, аўтар раманаў «Пошукі будучыні», «Млечны шлях» і «Трэцяе пакаленьне». Літаратуразнаўцы называюць Чорнага стваральнікам беларускага сацыяльна-псыхалягічнага раману.
Таксама ў гэты дзень:
1773 — была заснаваная Беларуская рымска-каталіцкая эпархія з цэнтрам у Магілёве.
1918 — Юзаф Пілсудзкі быў абвешчаны «часовым начальнікам» Польскай дзяржавы.
1963 — у ЗША быў забіты прэзыдэнт Джон Фіцджэральд Кенэдзі.
Your browser doesn’t support HTML5
Освальд у Менску
2004 — у Кіеве пачалася Аранжавая рэвалюцыя.
У гэты дзень нарадзіліся:
1715 — Антоні Адам Скарульскі, філёзаф, асьветнік, рэктар Віленскай акадэміі.
1893 — Іван Сурта, акадэмік, прэзыдэнт АН БССР, які быў расстраляны ў 1937 годзе.
1914 — Рыгор Няхай, беларускі пісьменьнік.
1974 — Зьміцер Сасноўскі, лідэр гурту «Стары Ольса».
У памяці:
1986 — памёр Мікалай Улашчык, беларускі гісторык і археограф.
Што будзе
Аляксандар Лукашэнка наведае Маскву. У межах візыту заплянаваная сустрэча з Уладзімерам Пуціным і ўдзел у цырымоніі сьвяткаваньня 70-годзьдзя Патрыярха Кірыла.
Дыскусіі і імпрэзы
Першы паўфінал паэтычнага конкурсу «Рухавік»
Зь верасьня паміж маладымі літаратарамі адбываліся паэтычныя батлы. Удзельнікам, якіх будзе 14, трэба будзе зьдзівіць публіку сваёй творчасьцю ўсяго за 5 хвілін.
Месца правядзеньня: Менск, бар «Графіці» (зав. Калініна, 16). Пачатак а 19:00. Уваход: 5 рублёў.
Адкрыцьцё выставы «І зорка гарыць, і ня вяне вянок...»
Выстава прымеркаваная да 125-годзьдзя Максіма Багдановіча. Напярэдадні знакавай даты будуць прадстаўлены кніжныя зборы і архіўныя дакумэнты па ўшанаваньні памяці клясыка беларускай літаратуры.
Месца правядзеньня: Менск, Нацыянальная бібліятэка Беларусі (пр. Незалежнасьці, 116). Пачатак а 16:00. Уваход вольны.
Ток-шоў «Бабруйск: Якім мы хочам бачыць свой горад?»
Культурніцкая кампанія «Будзьма беларусамі» сьцьвярджае, што большасьць беларускіх гарадоў ня маюць свайго аблічча. На сустрэчы ў Бабруйску арганізатары прапануюць досьвед разьвіцьця «пасьпяховых» беларускіх гарадоў.
Плошча Леніна ў Бабруйску
Месца правядзеньня: Бабруйск, тайм-клюб «13:87» (Савецкая вул., 97-2). Пачатак а 18:00. Уваход вольны.
Кіно
Рэтраспэктыва беларускага кінадакумэнталіста Віктара Асьлюка
У межах праекту дакумэнтальнага кіно 22 лістапада ў Менску пакажуць стужкі «Чорнае і белае», «Султан з Адрынак», «Марыя» і «Вальс».
Месца правядзеньня: Менск, Музэй гісторыі беларускага кіно (вул. Сьвярдлова, 4). Паказы пачынаюцца а 15:00 і а 18:30.
Прэмʼера цыклю «100 імёнаў Беларусі»
Паказ цыклю пра выбітных асобаў беларускае гісторыі, які будзе трансьлявацца на тэлеканале АНТ, пачнецца зь фільму пра Якуба Наркевіча-Ёдку, беларукага навукоўца 2-й паловы ХІХ стагодзьдзя.
Месца правядзеньня: Менск, кінатэатар «Перамога» (Інтэрнацыянальная вул., 20). Пачатак а 19:00.