Лідзкі актывіст Валеры Мінец неаднойчы браў удзел у менскіх акцыях, у тым ліку і ў «Маршы недармаедаў».
Пра затрыманьне Мінец паведаміў Свабодзе праз тэлефон. Ён пасьпеў сказаць, што ехаў у машыне і яго спынілі супрацоўнікі ДАІ.
— Мне сказалі, што я мушу праехаць зь імі ў РАУС, і болей нічога не патлумачылі. Я думаю, што на мяне хочуць скласьці пратакол за ўдзел у менскім «Маршы недармаедаў», а затым асудзіць, каб я ня трапіў 25 сакавіка на Дзень Волі ў Менск.
Сёньня ж у Лідзкі РАУС выклікалі актывіста зь Бярозаўкі Вітольда Ашурка. Яму сказалі, што на яго таксама маюць скласьці пратакол за ўдзел у менскім «Маршы недармаедаў».