Аляксандар Лукашэнка накіраваў пасланьне прэзыдэнту Турэччыны Рэджэпу Эрдагану ў сувязі са спробай вайсковага перавароту ў гэтай краіне.
Пра гэта паведамляе БЕЛТА са спасылкай на прэс-службу беларускага лідэра.
«У пасланьні выказваюцца словы падтрымкі і салідарнасьці зь легітымнай уладай Турэччыны», — паведамілі ў прэс-службе.
У ноч на 16 ліпеня група вайскоўцаў зрабіла спробу дзяржаўнага перавароту ў Турэччыне. На дадзены момант можна сьцьвярджаць, што путч, хутчэй за ўсё, праваліўся.