Гэта дзень у гісторыі
1571 — Перабродзьдзе (колішняе места, цяпер вёска ў Мёрскім раёне) атрымала магдэбурскае права. Надаў вялікі князь літоўскі і польскі кароль Жыгімонт Аўгуст.
1910 — Першая Беларуская вечарынка ў Вільні (стары стыль 12 лютага). Ставілі п'есу Марка Крапіўніцкага «Па рэвізіі», хор пад кіраўніцтвам Рагоўскага сьпяваў песьню на словы Янкі Купалы «А хто там ідзе?», выступала танцавальная група Ігната Буйніцкага.
1918 — створана Менскае беларускае прадстаўніцтва — палітычнае аб’яднаньне беларускіх партыяў і групаў лібэральнай і правацэнтрысцкай арыентацыі ў 1918 — пачатку 1919 году.
1921 — савецкія войскі занялі Тбілісі. У Грузіі гэты дзень лічаць Днём савецкай акупацыі.
1956 — на закрытым пасяджэньні XX зьезду КПСС генэральны сакратар кампартыі Мікіта Хрушчоў выступіў з дакладам пра культ асобы Ёсіфа Сталіна. Гэты даклад паклаў пачатак працэсу дэсталінізацыі ў СССР.
Выступ Мікіты Хрушчова на ХХ зьезьдзе КПСС
1990 — у Менску мітынг БНФ дамогся жывога этэру на БТ.
2010 — у Менску ў гатэлі Crowne Plaza прайшла прэзэнтацыя грамадзянскай кампаніі «Гавары праўду». Яе заснавальнікамі выступілі паэт Уладзімер Някляеў, прафэсар Генадзь Грушавы, праваабаронца Тацьцяна Процька, паэты Генадзь Бураўкін і Рыгор Барадулін, літаратуразнаўца Аляксандар Фядута.
2021 — суд Берасьцейскай вобласьці прызнаў вінаватым забітага спэцназаўцам Генадзя Шутава, а ягонага сябра Аляксандра Кардзюкова асудзіў на 10 гадоў калёніі ўзмоцненага рэжыму.
ГЛЯДЗІЦЕ ТАКСАМА: Сваякі асуджаных пасьля выраку Шутаву і Кардзюкову: «У судзьдзі і пракурора дрыжэлі рукі». ВІДЭАУ гэты дзень нарадзіліся
1778 — Хасэ дэ Сан Марцін, кіраўнік вайны за незалежнасьць гішпанскіх калёній у Паўднёвай Амэрыцы.
1871 — Леся Ўкраінка, украінская паэтка і пісьменьніца.
Леся Ўкраінка
1875 — Рыгор Міранскі, службовец пажарнай аховы, адзін зь першых фотарэпартэраў Менску і піянэраў беларускай мастацкай фатаграфіі.
1879 — Гасан Канапацкі, беларускі вайсковец, дзеяч нацыянальна-вызвольнага руху.
1906 — Павал Каруза, беларускі фальклярыст, кампазытар, грамадзка-палітычны дзеяч.
1909 — Сяргей Дарожны, беларускі паэт, грамадзкі і культурны дзеяч.
1943 — Джордж Гарысан, ангельскі музыка, удзельнік гурту The Beatles.
Рынга Стар, Пол Макартні, Джордж Гарысан і Джон Ленан. 9 жніўня 1969
1947 году — Яўген Шатохін, беларускі мастак і грамадзкі дзеяч. Ён быў сябрам праўленьня Беларускага саюзу мастакоў і ўваходзіў у мастацкую суполку «Пагоня».
1957 — Алесь Пісьмянкоў, беларускі паэт.
У памяці
1959 — Кляўдыюш Дуж-Душэўскі, беларускі архітэктар і палітычны дзеяч. Распрацаваў эскіз сьцяга БНР.
Кляўдыюш Дуж-Душэўскі. Здымак з фондаў БДАМЛМ
1960 — Уладзіслава Луцэвіч, жонка Янкі Купалы і стваральніца яго музэю.
Уладзіслава Луцэвіч і Янка Купала, 1916
1997 — Юрась Герасіменка-Жызьнеўскі, мастак.
2020 — Эдуард Дубянецкі, гісторык, культуроляг, паэт.