У праекце «Сьведкі Лукашэнкі» арт-дырэктар Беларускага Свабоднага тэатру Мікалай Халезін узгадвае, што ў 1994 годзе ён, як і многія ў той час, не лічыў, што Аляксандар Лукашэнка можа надоўга затрымацца ва ўладзе.
Публікуем урывак з інтэрвію Халезіна:
— Я думаў, што праз два гады яго ўжо ня будзе. Бо ён проста ня вытрымае. Мы прыехалі ў вёску Александрыю, дзе Лукашэнка жыў у дзяцінстве, і сяброўка ягонай мамы сказала нам: «Ня будзе Сашкі праз год ці два. Ня ўмее ён». І ў гэтае «ня ўмее ён» я неяк верыў.
Але потым я паехаў на стажыроўку ў Gazeta Wyborcza. І мы сядзім зь легендарным рэдактарам гэтай газэты Адамам Міхнікам у ягоным кабінэце (гэта быў 1996 год, ужо пасьля рэфэрэндуму), і я кажу: «Усё — яму, Лукашэнку, канец». А Адам мне адказвае: «Не, не, Коля, не. 16 гадоў».
І мне тады стала рэальна страшна. Якіх 16 гадоў? А атрымалася 30.
Цалкам інтэрвію з Мікалаем Халезіным у праекце «Сьведкі Лукашэнкі» глядзіце тут:
«Сьведкі Лукашэнкі»
«Сьведкі Лукашэнкі» – сэрыя відэаінтэрвію зь людзьмі, якія паспрабуюць ацаніць тое, што і чаму адбылося ў Беларусі ў 1994 годзе і як зьмянілася беларускае грамадзтва за гэтыя 30 гадоў.
Сёлета спаўняецца 30 гадоў з моманту першых прэзыдэнцкіх выбараў у Беларусі. Чаму тагачаснае беларускае грамадзтва выбрала Аляксандра Лукашэнку, ці магло ўсё скласьціся па-іншаму або менавіта такі вынік быў тады наканаваным? Які шлях прайшло беларускае грамадзтва за гэтыя 30 гадоў, ці вывучыла яно ўрокі гісторыі?
Гэтыя ды іншыя тэмы Віталь Цыганкоў абмяркоўвае з гасьцямі Свабоды ў праекце «Сьведкі Лукашэнкі».
ГЛЯДЗІЦЕ ТАКСАМА:
«Лукашэнка зрабіў са мной тое самае, што рабіў да гэтага 20 гадоў», — Аляксандар Кныровіч у праекце «Сьведкі Лукашэнкі»«Калі б я тады ведала, што нам давядзецца жыць у гэтым 30 гадоў, я б, напэўна, ня выжыла». Сьвятлана Курс пра выбары ў 1994-м«Беларускую сытуацыю трэба разглядаць з псыхіятрам», — Алесь Міхалевіч у праекце «Сьведкі Лукашэнкі»«Галоўнай праблемай быў Кебіч», — Анатоль Лябедзька ў праекце «Сьведкі Лукашэнкі»«У 1994-м ён — непазьбежны прэзыдэнт. Грамадзтва бегла ад адказнасьці», — Дзьмітры Шчыгельскі ў праекце «Сьведкі Лукашэнкі»«Пакайцеся і ня лезьце ў лідэры», — Натальля Радзіна ў праекце «Сьведкі Лукашэнкі» пра Паўла Латушку і Аляксандра Азарава«Першыя прэзыдэнцкія выбары маглі скончыцца іначай. Шушкевіч зьбіраў поўныя залі», — Аляксандар Мілінкевіч у праекце «Сьведкі Лукашэнкі»