У афіцыйнай заяве, распаўсюджанай Міністэрствам унутраных спраў Беларусі, паведамляецца, што мужчына «раптоўна дастаў нож і нанёс удары двум міліцыянтам». Перад гэтым супрацоўнікі ГУБАЗіК нібыта спынілі мужчыну для «прафіляктычнай гутаркі».
Здарэньне адбылося 23 верасьня аб 11-й раніцы на праспэкце Пушкіна ў Магілеве.
Пры вобшуку, як сьцьвярджае міліцыя, пры мужчыну знайшлі яшчэ адзін нож, а таксама пісталет. У мужчыну нібыта пазналі чалавека, «датычнага да экстрэмісцкай дзейнасьці».
На месца здарэньня ў Магілёў выехаў міністар унутраных спраў Беларусі Іван Кубракоў.
ГЛЯДЗІЦЕ ТАКСАМА: Лукашэнка забараніў служыць у МУС беларусам, у якіх ёсьць іншае грамадзянства«Эўрарадыё» пастаралася разабраць кадры відэа, якое атрымала з Магілёва, і засумнявалася ў афіцыйнай вэрсіі ўладаў. Чалавек, які на відэа зь месца падзеяў трымаецца за бок і спрабуе спыніць кроў майкай, не апрануты ў міліцэйскую форму.
Хто гэты мужчына на відэа, звычайны грамадзянін ці супрацоўнік міліцыі ў цывільным, невядома.
ГЛЯДЗІЦЕ ТАКСАМА: Пасьля нажавога нападу на фэстывалі ў Нямеччыне паліцыя затрымала падлетка