Як адзначыў прэмʼер Польшчы Дональд Туск, на гэты момант падрыхтаваны законапраект, паводле якога створаць канстытуцыйную камісію, што будзе расьсьледаваць уплыў Беларусі і Расеі на тое, што адбываецца ў Польшчы на працягу многіх гадоў. Тэма расейскага ўплыву ў Польшчы вярнулася ў парадак дня, калі судзьдзя Томаш Шмыт паехаў у Беларусь і папрасіў прытулку ў Лукашэнкі.
ГЛЯДЗІЦЕ ТАКСАМА: Лукашэнка заявіў, што польскага дэзэртыра Чэчку забілі, і прыставіў да зьбеглага судзьдзі Шмыта ахову6 траўня Томаш Шмыт выступіў у прэс-цэнтры беларускага дзяржаўнага агенцтва БелТА. На брыфінгу ён падпісаў заяву аб адстаўцы, заявіў, што папрасіў абароны ў беларускіх уладаў, і выказаўся ў падтрымку палітыкі афіцыйнага Менску. Свае дзеяньні ён патлумачыў нязгодай з палітыкай і дзеяньнямі ўладаў Польшчы.
Прэм’ер Польшчы Туск заявіў, што Шмыт даўно супрацоўнічаў зь беларускімі ўладамі. Туск падкрэсьліў, што выпадак з уцёкамі судзьдзі Шмыта нельга недаацэньваць, бо той меў непасрэдны доступ да былога міністра юстыцыі, «які меў доступ да сакрэтных дакумэнтаў, да якіх ніякая выведка не павінна мець доступу».
ГЛЯДЗІЦЕ ТАКСАМА: Галоўны адміністрацыйны суд Польшчы прыняў адстаўку Томаша Шмыта, які папрасіў прытулку ў Лукашэнкі ГЛЯДЗІЦЕ ТАКСАМА: Польскі суд дазволіў арыштаваць судзьдзю Шмыта, які зьбег у Беларусь, па абвінавачаньні ў шпіянажы