У Літве ўвялі афіцыйную забарону на непрацоўныя паездкі ў Беларусь, Расею і Кітай для вайскоўцаў, дзяржаўных службоўцаў і асобаў, якія маюць доступ да сакрэтнай інфармацыі.
Адпаведную пастанову 24 студзеня зацьвердзілі на пасяджэньні літоўскага ўраду, паведамляе BNS.
У пастанове вызначаны і пералік выпадкаў, калі могуць выдаць дазвол на непрацоўную паездку ў Беларусь: у выпадку цяжкага стану ці сьмерці блізкіх сваякоў і мужа або жонкі, для рэалізацыі правоў і абавязкаў бацькоў і апекуноў, вырашэньня маёмасных пытаньняў.
Як адзначылі ў Мінабароны Літвы, сьпіс гэтых краінаў быў складзены пасьля ацэнкі пагрозаў нацыянальнай бясьпецы Літвы і яе грамадзянам, у тым ліку праз шпіянаж спэцслужбаў.
У канцы 2023 году Сейм Літвы прыняў закон аб забароне выезду для вайскоўцаў у недружалюбныя краіны і даручыў ураду вызначыць сьпіс такіх дзяржаваў.
ГЛЯДЗІЦЕ ТАКСАМА: Суд у Літве прызнаў законнай адмову Вользе Карач у палітычным прытулку. Рашэньне канчатковае, але яна не зьбіраецца пакідаць краіну ГЛЯДЗІЦЕ ТАКСАМА: Беларускай жонцы вядомага літоўскага актора ўсё ж выдалі дазвол на жыхарства ў Літве ГЛЯДЗІЦЕ ТАКСАМА: Дырэктара беларускага санаторыя ў Літве пазбавілі права на жыхарства ГЛЯДЗІЦЕ ТАКСАМА: У Сейме Літвы прапанавалі закрыць некаторыя пункты пропуску на мяжы зь Беларусьсю ГЛЯДЗІЦЕ ТАКСАМА: У дадатковых абмежаваньнях для беларусаў і расейцаў літоўскія юрысты заўважылі неадпаведнасьць заканадаўству ЭЗ