У Эквадоры беспарадкі: прэзыдэнт краіны Даніэль Набоа аб’явіў аб узброеным канфлікце ў краіне, колькасьць загінулых павялічылася да 10 чалавек.
У дзяржаве ўвялі надзвычайнае становішча пасьля ўцёкаў з турмы мясцовага крымінальнага аўтарытэту, піша Reuters.
У гістарычны цэнтар сталіцы Эквадору Кіта сьцягнулі танкі. Кіраўнік Абʼяднанага камандаваньня ўзброеных сіл краіны Хаймэ Вэла заявіў, што «кожная тэрарыстычная групоўка, згаданая ва ўказе, зьяўляецца ваеннай цэльлю».
Ecuador is tense after the government declared a state of emergency following the disappearance of a high-profile prisoner from jail. Police said several kidnappings and explosions were reported in several cities https://t.co/mCbD0QwAm7 pic.twitter.com/h7e18D7NSg
— Reuters (@Reuters) January 10, 2024
Набоа ў сваім указе абʼявіў 21 групоўку тэрарыстамі і даручыў вайскоўцам нэўтралізаваць іх. Парлямэнт паабяцаў вайскоўцам і паліцыянтам амністыю ў выпадку перавышэньня імі службовых паўнамоцтваў. Масава закрываюцца прадпрыемствы і гандлёвыя цэнтры.
МЗС Беларусі «ў сувязі з пагаршэньнем крымінагеннага становішча і аб’яўленага ўладамі ў Эквадоры надзвычайнага стану» рэкамэндуе ўстрымацца ад наведваньня гэтай краіны.
ГЛЯДЗІЦЕ ТАКСАМА: У Эквадоры застрэлілі кандыдата ў прэзыдэнты ГЛЯДЗІЦЕ ТАКСАМА: Гаяна і Вэнэсуэла дамовіліся не ваяваць за багаты на нафту спрэчны рэгіён