Харугва Вялікага Княства Літоўскага з выявай вершніка зьнікла з экспазыцыі музэю, які разьмяшчаецца ў вежы-данжоне XIII стагодзьдзя, паведамляе «Наша ніва».
Раней сьцяг з Пагоняй знаходзіўся на верхнім ярусе вежы, побач зь ім вісеў прапарэц з Калюмнамі, родавым знакам Гедзімінавічаў. Як стала вядома «Нашай ніве», на сёньня Пагоні ў вежы няма, але Калюмны засталіся.
Зьмены ў экспазыцыі музэю маглі быць зьвязаныя зь візытам у Камянец міністра культуры Анатоля Маркевіча ў 2023 годзе, мяркуе «Наша ніва». Сярод іншага, міністар наведваў і Камянецкую вежу.
Раней стала вядома, што ў Лідзе з магілы ксяндза Адама Фалькоўскага зьнік герб паўстаньня Каліноўскага.
20 ліпеня 2023 году стала вядома, што з будынку Горадзенскага чыгуначнага вакзалу прапаў памятны знак паўстанцам 1863 году.
ГЛЯДЗІЦЕ ТАКСАМА: У Лідзе з магілы ксяндза зьнік герб паўстаньня Каліноўскага ГЛЯДЗІЦЕ ТАКСАМА: Нязручныя для Лукашэнкі сымбалі. За зьнявагу «Пагоні» і бел-чырвона-белага сьцяга давядзецца адказваць