Як піша «Вясна», прапагандысты апублікавалі інтэрвію з Тацянай Собаль. Яна вярнулася на радзіму праз «камісію па вяртаньні».
Жанчына ў інтэрвію прапагандысцкаму тэлеканалу расказала пра кепскае жыцьцё ў Польшчы і выказала шкадаваньне, што ўдзельнічала ў пратэстах.
Нягледзячы на гэта, яе чакае суд за ўдзел у пратэстах. Цяпер яна на волі пад закладам. Гэта ня першы такі выпадак.
У судзе Маскоўскага раёну Берасьця на адзін год калёніі за абразу Лукашэнкі асудзілі 30-гадовага Ігара Неміровіча.
Як паведамляюць праваабаронцы «Вясны», справу Неміровіча за фота з «абразьлівым надпісам» у Instagram разглядалі проста ў берасьцейскім СІЗА. Пры гэтым у пастанове суду напісана, што працэс «праходзіў у адкрытым рэжыме».
Берасьцеец вярнуўся ў Беларусь праз зварот у «камісію па вяртаньні», але гэта ня выратавала яго ад перасьледу.
ГЛЯДЗІЦЕ ТАКСАМА: Берасьцеец за мяжой зьвярнуўся ў камісію па вяртаньні — у Беларусі яго затрымалі і асудзілі проста ў СІЗАШто вядома пра камісію
Камісія была створаная ўказам Лукашэнкі 6 лютага 2023 году і прадугледжвае, што звароты грамадзянаў могуць быць накіраваныя да 31 сьнежня 2023 году.
- Генпракуратура запусьціла адмысловы сайт. Як паведамлялася, тыя, хто зьвернецца ў камісію, павінны растлумачыць, чаму яны асьцерагаюцца вярнуцца, а таксама раскаяцца, публічна выбачыцца і пакрыць прычыненую шкоду.
- У траўні паведамлялася, што камісія пачала таксама разглядаць і «магчымасьць вяртаньня да прафэсійнай дзейнасьці асобных спартоўцаў на запыт адпаведных фэдэрацыяў».
- У красавіку генпракурор Андрэй Швед заявіў, што за два месяцы камісія па вяртаньні атрымала 56 заяваў, аднак у ліпені «Кібэрпартызаны» паведамілі, што ў камісію паступіла толькі 16 заяваў.