6 сьнежня ў судзе Ваўкавыскага раёну праходзіць паседжаньне «Аб пераводзе ў папраўчую ўстанову іншага віду і зьмяненьні ўмоваў рэжыму» супраць актывіста Паўла Вінаградава, паведамляе тэлеграм-канал «Права маюць».
Справу разглядае судзьдзя Мікалай Сяргейка. З чым зьвязана зьмена ўмоваў рэжыму, невядома.
У сакавіку Менскі абласны суд пакараў актывіста і блогера Вінаградава 5 гадамі калёніі. Яго прызналі вінаватым у распальваньні варожасьці (артыкул 130 КК), паклёпе на Аляксандра Лукашэнку (артыкул 367 КК) і ў грубым парушэньні парадку (артыкул 342 КК).
Суд праходзіў у закрытым рэжыме.
28 чэрвеня КДБ унёс Паўла Вінаградава ў «тэрарыстычны» сьпіс.
У калёніі актывіста пэрыядычна зьмяшчаюць у ШЫЗА. А ў жніўні 2022 году ў асуджанага Вінаградава лекары дыягнаставалі сухоты.
ГЛЯДЗІЦЕ ТАКСАМА: Навіны палітвязьняў: Павал Вінаградаў паўгода правёў у ШЫЗА ГЛЯДЗІЦЕ ТАКСАМА: Навіны палітвязьняў: Вінаградаў адужаў ад сухотаў; апэляцыю Кухты не задаволілі