Ад «бесьпілётнага трактара» да «вайны ў полі». Як Лукашэнка 10 гадоў падымае сельскую гаспадарку

Сёлета ў ліпені Лукашэнку зноў устурбавала сельская гаспадарка. Традыцыйна яго цікавасьць да сфэры расьце ў пэрыяд пасяўной ці ўборачнай.

«Яшчэ раз кажу: лепш ваяваць у полі, чым на фронце! Няўжо камусьці гэта незразумела? Наводзьце жалезны парадак. Усё ідзе ад кадраў. Ёсьць нармальны кіраўнік, значыць, арганізацыя (калгас, саўгас і іншыя) будзе нармальна працаваць», — сказаў Лукашэнка.

Мы сабралі ягоныя цытаты за 10 гадоў і паглядзелі, колькі тады было стратных калгасаў, як жыхароў вёсак з году ў год меншала. Беларуская статыстыка дае дзьве лічбы аб стратных калгасах: адсотак стратных ад агульнай колькасьці з улікам дзяржаўнай грашовай падтрымкі і без уліку падтрымкі. Ніжэй мы прывялі абедзьве лічбы, каб было бачна, калі падтрымка расла. Гэтыя лічбы рэгулярна публікаваліся ў зборніках Белстату, звычайна за пэрыяд з сакавіка па студзень.

Інфаграфіка аб сельскай гаспадарцы ў Беларусі

2013: «Захавалі вытворчасьць»

Лукашэнка: «Галоўнае — што мы не разбурылі буйнатаварную сельскагаспадарчую вытворчасьць. Мы не прыватызавалі адразу зямлю, асноўныя сродкі і гэтак далей. Гэтым самым мы і выратавалі вёску».

Стратных гаспадарак з падтрымкаю дзяржавы: 5,5%

Стратных гаспадарак без падтрымкі: 26,8%

Жыхароў сельскай мясцовасьці: 2 292 151

2014: «Мадэрнізавалі калгасы»

Лукашэнка: «У нас сельская гаспадарка прасунутая, а мы мадэрнізацыяй вёскі заняліся, і мы 45 мільярдаў даляраў уклалі ў мадэрнізацыю сельскай гаспадаркі. Не ўкладзеш грошы — нічога ня возьмеш. І ў людзей, і ў комплексы сельскагаспадарчыя, і ў сельскагаспадарчую тэхніку, і ў структуру ўвогуле земляробства ў краіне».

Стратных гаспадарак з падтрымкаю дзяржавы: 10,6%

Стратных гаспадарак без падтрымкі: 34,8%

Жыхароў сельскай мясцовасьці: 2 250 088

2015: «Не хапае кіраўнікоў»

Лукашэнка: «Без дысцыпліны мы будзем ісьці па нахільнай. Будзе дысцыпліна і парадак, у тым ліку тэхналягічны — будзем разьвівацца. У нас галоўная праблема — кіраваньне, кіраўнікі і спэцыялісты».

Стратных гаспадарак з падтрымкаю дзяржавы: 15%

Стратных гаспадарак без падтрымкі: 56.1%

Жыхароў сельскай мясцовасьці: 2 220 849

2016: «Сяло выходзіць на нармальны ўзровень»

Лукашэнка: «Сяло ў нас выходзіць на нармальны ўзровень разьвіцьця. Ня страцьце кіраваньня ў сельскай гаспадарцы».

Стратных гаспадарак з падтрымкаю дзяржавы: 28,3%

Стратных гаспадарак без падтрымкі: 66,1%

Жыхароў жыхароў сельскай мясцовасьці: 2 201 940

2017: «Стварылі бесьпілётны трактар»

Лукашэнка: «Трактар, які не патрабуе прысутнасьці кіроўцы, мы даўно стварылі. Гэта вельмі карысны праект, асабліва для ўнясеньня ўгнаеньняў, бо іх колькасьць мяняецца ў залежнасьці ад характарыстык канкрэтнага ўчастку глебы».

Стратных гаспадарак з падтрымкаю дзяржавы: 15,3%

Стратных гаспадарак без падтрымкі: 57%

Жыхароў сельскай мясцовасьці: 2 183 164

2018: «Што далей?»

Лукашэнка: «Прайшло каля 15 гадоў пасьля таго, як была прынятая праграма мадэрнізацыі нашай вёскі і АПК. Сёньня паўстала пытаньне, а што далей, як жыць далей. Я не прыхільнік, каб прыватызаваць калгасы і саўгасы»

Стратных гаспадарак з падтрымкаю дзяржавы: 14,2%

Стратных гаспадарак без падтрымкі: 56,3%

Жыхароў сельскай мясцовасьці: 2 164 033

2019: «Трэба дыктатура»

Лукашэнка: «Першая задача для сельскай гаспадаркі — найжарстчэйшая дыктатура тэхналёгіяў і вытворчай дысцыпліны. Ніякай дэмакратыі і балбатні».

Стратных гаспадарак з падтрымкай ад дзяржавы: 7,6%

Стратных гаспадарак без падтрымкі: 57,3%

Жыхароў сельскай мясцовасьці: 2 137 548

2020: «Трэба пазычыць грошай — пазычым»

Лукашэнка: «Ніякіх просьбаў. Разьлічвайце пакуль на сябе. Сёньня добры ўраджай, рапс добры, прадавайце. Трэба пазычыць грошай — пазычым».

Стратных гаспадарак з падтрымкаю дзяржавы: 7,7%

Стратных гаспадарак без падтрымкі: 46,0%

Жыхароў сельскай мясцовасьці: 2 106 354

2021: «Мы падтрымліваем сельскую гаспадарку»

Лукашэнка: «Мы падтрымліваем сельскую гаспадарку, сельгаспрадпрыемствы, бо яны глядзяць за вёскамі».

Стратных гаспадарак з падтрымкаю дзяржавы: 7,3%

Стратных гаспадарак без падтрымкі: 57,2%

Жыхароў сельскай мясцовасьці: 2 069 325

2022: «Ратуем вёскі»

Лукашэнка: «Мы вырабляем кармы, ратуем вёскі і даем працу людзям — гэта нашая палітыка ў сельскай гаспадарцы».

Стратных гаспадарак з падтрымкаю дзяржавы: 6,7%

Стратных гаспадарак без падтрымкі: 50, 6%

Жыхароў сельскай мясцовасьці: 2 023 429

2023 : «Лепш ваяваць у полі»

Лукашэнка: «Яшчэ раз кажу: лепш ваяваць у полі, чым на фронце! Няўжо камусьці гэта незразумела? Наводзіце жалезны парадак. Усё ідзе ад кадраў. Ёсьць нармальны кіраўнік, значыць, арганізацыя (калгас, саўгас і іншыя) будзе нармальна працаваць».

Стратных гаспадарак з падтрымкаю дзяржавы: 5,8%

Стратных гаспадарак без падтрымкі: 48,6%

Жыхароў сельскай мясцовасьці: 1 988 212

Такім чынам, за 10 гадоў стратных гаспадарак стала больш амаль удвая, у 1,8 разоў, а жыхароў вёсак паменела на 303 939 чалавек, ці на 13%.