Пэдра Санчэс займае пасаду прэм’ер-міністра з 2018 году.
Большасьць апытаньняў грамадзкай думкі падчас галасаваньня ў нядзелю паказваюць, што правая Народная партыя, якая перамагла на выбарах у траўні, апярэджвае сацыялістаў, але, верагодна, ёй патрэбна падтрымка крайне правай партыі Vox, калі яны хочуць сфармаваць урад, піша Голас Амэрыкі.
Такая кааліцыя вярнула б крайнія правыя сілы ва ўрад Гішпаніі ўпершыню пасьля пераходу краіны да дэмакратыі ў канцы 1970-х гадоў пасьля амаль 40-гадовага праўленьня дыктатара Франсіска Франка.
Супрацьстаяць ім сацыялісты і новы рух пад назвай Sumar, які ўпершыню аб’ядноўвае 15 дробных левых партый.
ГЛЯДЗІЦЕ ТАКСАМА: Урад Нідэрляндаў сыходзіць у адстаўку праз рознагалосьсі ў пытаньні мігрантаўПаколькі ні адна з партый, як чакаецца, не атрымае абсалютнай большасьці, выбар сягае ў асноўным паміж левай кааліцыяй і партнэрствам правых і ультраправых.
Выбарчыя ўчасткі для каля 37 мільёнаў выбаршчыкаў зачыняцца а 18:00 па Грынвічы. Канчатковыя вынікі чакаюцца да поўначы.
Выбары адбываюцца ў разгар лета, і мільёны выбаршчыкаў, праўдападобна, у адпачынку. Але запыты на галасаваньне па пошце ўзрасьлі, і чыноўнікі ацанілі яўку на выбарах у 70%.
Урад Санчэса накіраваў Гішпанію праз пандэмію COVID-19 і справіўся з эканамічным спадам, выкліканым інфляцыяй, які пагоршыўся ўварваньнем Расеі ва Ўкраіну. Але яго залежнасьць ад малых партый у кааліцыі, уключаючы сэпаратысцкія сілы з Каталёніі і Краіны Баскаў, а таксама прыняцьце шэрагу лібэральных законаў могуць каштаваць яму працы.
Правыя партыі вінавацяць Санчэса ў тым, што ён здрадзіў і разбурыў Гішпанію. Яны абяцаюць скасаваць дзясяткі яго законаў.
ГЛЯДЗІЦЕ ТАКСАМА: ЦВК Узбэкістану паведаміў, што на датэрміновых выбарах перамог дзейны прэзыдэнт. Яго тэрміны ва ўладзе «абнуліліся» ГЛЯДЗІЦЕ ТАКСАМА: У Гішпаніі затрымалі пэнсіянэра, яго падазраюць у адпраўцы пасылак з бомбамі у амбасаду Ўкраіны