Дата дня
8 траўня 1945 году быў падпісаны акт аб капітуляцыі Нямеччыны. Так скончылася Другая сусьветная вайна ў Эўропе.
ГЛЯДЗІЦЕ ТАКСАМА: Як цяперашняя вайна ва Ўкраіне мяняе сэнс Другой сусьветнай. Дыскусія экспэртаўТаксама ў гэты дзень
1674 — каралём Рэчы Паспалітай і вялікім князем ВКЛ быў абраны Ян Сабескі.
1984 — Савецкі Саюз абвясьціў байкот Алімпійскіх гульняў у Лос-Анджэлесе, ЗША.
1989 — выйшаў першы нумар польскай «Gazety Wyborczej» як органа незалежнага прафсаюзу «Салідарнасьць».
1993 — утворана Таварыства вольных літаратараў.
1999 — у Менску камандзір СОБР Дзьмітры Паўлічэнка вярнуў начальніку турмы Алегу Алкаеву расстрэльны пісталет. У сваім рапарце начальнік крымінальнага вышуку генэрал Мікалай Лапацік выказаў меркаваньне, што з гэтага пісталета быў забіты зьніклы напярэдадні экс-міністар унутраных спраў Юры Захаранка.
ГЛЯДЗІЦЕ ТАКСАМА: Былы спэцназавец МУС Беларусі Гараўскі расказаў Міжпарлямэнцкаму зьвязу пра забойствы крытыкаў ЛукашэнкіУ гэты дзень нарадзіліся
1883 — Сьцяпан Некрашэвіч, мовазнавец, незалежніцкі дзяяч, прадстаўнік Ураду БНР ва Ўкраіне, першы старшыня Інстытуту беларускае культуры, акадэмік АН Беларусі, аўтар акадэмічных слоўнікаў. Расстраляны НКВД у 1937-м.
Гаўрыла Гарэцкі і Сьцяпан Некрашэвіч – правадзейныя члены Інбелкульту. Менск, лістапад 1926 г. Фота: ЦНБ НАН Беларусі
1937 — Лявон Шыманец, шматгадовы старшыня Згуртаваньня беларусаў Францыі «Хаўрус», брат Івонкі Сурвілы.
Івонка і Лявон Шыманцы з бацькамі. Данія, 1946
ГЛЯДЗІЦЕ ТАКСАМА: "Пагоня" над ПарыжамУ памяці
1551 — памерла Барбара Радзівіл, вялікая княгіня літоўская, каралева польская.
Барбара Радзівіл і Жыгімонт Аўгуст. Мастак Ян Матэйка
1880 — памёр францускі пісьменьнік Гюстаў Флябэр.
2005 — памёр Пятро Драчоў, мастак, удзельнік нацыянальна-дэмакратычнага руху 1980-х — пач. ХХІ ст.