Згодна з пастановай, апублікаванай на Нацыянальным прававым інтэрнэт-партале, факультатыўныя заняткі «Гуляем у хакей» прадугледжаныя для вучняў 1–3 клясаў сярэдніх агульнаадукацыйных школ.
Сярод мэтаў факультатыву — «выхаваньне асобы, якая ўмее самастойна думаць, прымаць рашэньні, рэалізоўваць тактычныя задумы індывідуальна, у групе і камандзе; выхаваньне асабістых якасьцяў: волі, настойлівасьці, дысцыплінаванасьці, калектывізму».
Мяркуецца, што, сярод іншага, у школьнікаў будуць «сфармаваныя веды пра гісторыю ўзьнікненьня і разьвіцьця хакею як адной з найбольш масавых спартовых гульняў».
Як вядома, хакей — улюбёная спартовая гульня Аляксандра Лукашэнкі.
Гісторыя ж беларускага хакею апошніх гадоў — гэта рашэньні міжнародных спартовых арганізацый аб забароне ўдзелу камандаў Рэспублікі Беларусь у чэмпіянатах у сувязі з парушэньнямі правоў чалавека, у тым ліку і перасьледу спартоўцаў, якія выступілі супраць фальсыфікацыі прэзыдэнцкіх выбараў у 2020 годзе.