Эстонскі дыплямат Марка Коплімаа, які раней працаваў у амбасадзе Эстоніі ў ЗША і ў прадстаўніцтве сваёй краіны ў NATO, пачаў сваю дзейнасьць у Вільні (Літва) у якасьці прадстаўніка Эстоніі па Беларусі.
«Вось ужо год рэжым Лукашэнкі падтрымлівае расейскую агрэсію, даючы тэрыторыю, навучаньне, боепрыпасы і рамонт. Добры напамін аб тым, што падтрымка беларускай апазыцыі важная, паколькі рэжым застаецца пагрозай бясьпецы для суседзяў і Эўропы», — напісаў Марка Коплімаа на сваёй старонцы ў Twitter.
It is my honor to start work as the 🇪🇪 Special Representative to the Belarus opposition. Working in Vilnius in support of democracy pic.twitter.com/cEtY1Qf4mi
— Marko Koplimaa (@MKoplimaa) February 23, 2023
Як паведаміў інтэрнэт-партал навін Грамадзкага вяшчаньня Эстоніі, сярод ягоных абавязкаў ня толькі падтрыманьне і ўмацаваньне сувязяў са Сьвятланай Ціханоўскай і яе Кабінэтам, а і назіраньне за падзеямі ў Беларусі, паколькі Эстонія ня мае амбасадара ў Менску і працуе зь мінімальным штатам.
ГЛЯДЗІЦЕ ТАКСАМА: Ціханоўская сустрэлася з прэзыдэнтам Эстоніі. Ён выказаўся за прыцягненьне Лукашэнкі да адказнасьці