Міністэрства абароны Ірану пацьвердзіла атаку бесьпілётнікаў на цэнтар вытворчасьці боепрыпасаў у Ісфахане. У ведамстве заявілі, што адзін з дронаў зьбіла СПА, а два іншыя «трапілі ў абарончыя пасткі» і былі зьнішчаныя.
Улады ў Іране абяцаюць разабрацца з тым, хто атакаваў завод і назваць вінаватых шырокай грамадзкасьці. Міністэрства абароны таксама заявіла, што гэтая «няўдалая» атака бесьпілётніка не прынесла ахвяр і нанесла «нязначныя пашкоджаньні» даху ў цэху.
Побач з Ісфаханам знаходзіцца завод па вытворчасьці дронаў-камікадзэ Shahed 131/136.
The list of objects in #Iran on which #missile strikes were carried out has become known-Headquarters of the IRGCIRGC Special ForcesBase "Quds"-Ammunition and UAV Production Center-Refinery.-Weapons factory.-Military bases in #Hamadan and #Keredzh#iranunderattack #Iranian pic.twitter.com/gZweqJYqGI
— Erik Korsas (@KorsasErik) January 29, 2023
Тэлеграм-каналы Ісфахану пішуць, што гукі выбухаў было чуваць за кілямэтры ад заводу.
Як пішуць іранскія СМІ, начная атака адбылася таксама на завод па вытворчасьці маторных аліваў у Шахід-Салімі, авіябазу ў Дызфуле, вайсковыя часткі, адбыліся пажары ў некаторых іншых гарадах.
Іран пастаўляе дроны «Shahed 131/136» Расеі, дапамагаючы ёй атакаваць украінскія гарады, цывільныя і энэргетычныя аб’екты.
ГЛЯДЗІЦЕ ТАКСАМА: У Тэгеране напалі на амбасаду Азэрбайджану, загінуў кіраўнік службы бясьпекі ГЛЯДЗІЦЕ ТАКСАМА: Іран, які пастаўляе Расеі дроны для атак Украіны, атрымае расейскія самалёты СУ-35