Паводле яго, чуткі аб нібыта ўварваньні Беларусі зьяўляюцца толькі «часткай псыхалягічнай апэрацыі Расеі». ГРУ, паводле інфармацыі, усё вядома аб «беларускім дыктатары і рэжыме ў краіне, у тым ліку і аб колькасьці ўдарнай групоўкі, гатоўнасьці сіл сродкаў і іншых момантах, якія дазваляюць сьцьвярджаць аб адсутнасьці пагрозы».
У той жа час, нават калі б сытуацыя зьмянілася — Украіна гатовая і адпрацавала ўсе магчымыя сцэнары, цытуе Юсава украінская служба Радыё Свабода..
«У інтарэсах Пуціна і Расеі максымальна нагнятаць тэму Беларусі, але і Лукашэнка ўжо ня надта ў гэтым гуляе. Нядаўна мы бачылі, як ён вадзіў за нос Лаўрова (кіраўнік МЗС Расеі — РС), распавядаў як любіць Пуціна, а потым сказаў, што ня бачыць пагрозы з боку Ўкраіны. Ня хоча рабіць суіцыдальныя дзеяньні», — дадаў Юсаў.
- Міністэрства абароны Беларусі 9 студзеня абвясьціла аб сумесных з Расеяй «лётна-тактычных вучэньнях», падчас якіх «будуць задзейнічаныя ўсе аэрадромы, а таксама палігоны вайскова-паветраных сіл і войскаў супрацьпаветранай абароны» краіны. Вучэньні пачаліся 16 студзеня і працягнуцца да канца месяца. Паведамляецца, што для ўдзелу ў іх у Беларусь ужо прыбыла авіяцыя паветрана-касьмічных сіл Расеі.
- Нядаўна сакратар Рады нацыянальнай бясьпекі і абароны Ўкраіны Аляксей Данілаў заявіў, што ёсьць прыкметы таго, што «Расея рыхтуе абвастрэньне ў лютым».
- У лютым 2022 года Расея пачала поўнамаштабнае ўварваньне ва Ўкраіну, атакаваўшы з поўначы, усходу і поўдня.
ГЛЯДЗІЦЕ ТАКСАМА: Трыбунал як пагроза. Лукашэнка азіраецца па баках і пралічвае варыянты