Паведамляецца, што ў неанансаванай паездцы яе суправаджалі міністар замежных спраў Украіны Дзьмітро Кулеба і амбасадар Украіны ў Нямеччыне Аляксей Макееў.
Свой трэці візыт ва Ўкраіну падчас вайны Бэрбак назвала праявай салідарнасьці. Яна паабяцала больш нямецкай гуманітарнай дапамогі, уключаючы генэратары, паліва і коўдры, а таксама «далейшыя пастаўкі зброі».
Візыт адбыўся празь некалькі дзён пасьля рашэньня ўраду ФРН перадаць Кіеву баявыя машыны пяхоты Marder. Кіеў таксама просіць у Нямеччыны баявыя танкі, але Бэрлін пакуль адхіляе гэтую просьбу.
Агенцтва AFP таксама цытуе Бэрбак: «Ва ўсіх кутках Украіны, ад Харкава да Херсона і Кіева, людзі павінны ведаць, што яны могуць разьлічваць на нашу салідарнасьць і падтрымку».
Анналена Бэрбак стала першым чальцом нямецкага ўраду, які наведаў украінскі горад непадалёк ад лініі фронту.
ГЛЯДЗІЦЕ ТАКСАМА: Кіраўніца МЗС Нямеччыны ня бачыць сэнсу ў перамовах з Расеяй, падтрымлівае пастаўкі зброі Ўкраіне