NATO павінна павялічыць вытворчасьць узбраеньняў, бо вайна ва Ўкраіне зацягваецца, а патрэба Кіева ў абсталяваньні расьце, заявіў генэральны сакратар арганізацыі Енс Столтэнбэрг у інтэрвію, якое транслявалася 1 студзеня, перадае агенцтва DPA.
«Для артылерыі, напрыклад, нам патрэбна велізарная колькасьць боепрыпасаў, нам патрэбны запасныя часткі», — сказаў ён BBC. — «Трэба павялічваць вытворчасьць, і гэта менавіта тое, што саюзьнікі робяць»
Паводле яго слоў, абслугоўваньне сыстэм узбраеньняў, якія ўжо пастаўленыя ва Ўкраіну, гэтак жа важна, як і пастаўка дадатковага ўзбраеньня.
ГЛЯДЗІЦЕ ТАКСАМА: Генэральны сакратар NATO заявіў аб падрыхтоўцы новага наступу Расеі і паабяцаў дапамагаць Украіне да перамогіСтолтэнбэрг дадаў, што NATO таксама павінна быць гатовая падтрымаць Украіну ў доўгатэрміновай пэрспэктыве.
- У лістападзе 2022 году тэлеканал CNN са спасылкай на некалькі крыніц паведаміў, што ЗША, адзін з галоўных саюзьнікаў Украіны, сутыкнуліся са скарачэньнем паставак некаторых узбраеньняў і боепрыпасаў, якія яны абяцалі перадаць Кіеву ў якасьці вайсковай дапамогі.