Пасьля заканчэньня адзінаццаці клясаў выпускнікі будуць здаваць два цэнтралізаваныя экзамэны: адзін, абавязковы, — па расейскай або беларускай мове, другі — на выбар.
Для тых, хто будзе паступаць у ВНУ, прапануюць здаваць адзін дадатковы экзамэн у форме ЦТ. Такое рашэньне прынялі 2 сьнежня па выніках нарады ў Лукашэнкі па пытаньнях удасканаленьня ўступнай кампаніі ў ВНУ, піша БелТА.
Як растлумачыў на нарадзе міністар адукацыі Андрэй Іванец, залічэньне ва ўнівэрсытэты будзе праводзіцца па выніках двух ЦЭ, аднаго дадатковага экзамэну ў выглядзе ЦТ і сярэдняга бала атэстата.
ГЛЯДЗІЦЕ ТАКСАМА: У Мінадукацыі расказалі, як зьменіцца ЦТ для школьнікаўМіністэрства адукацыі прапануе праводзіць цэнтралізаваны экзамэн за межамі школ. У буйных гарадах і раёнах ужо вызначылі месцы для гэтага. Прымаць экзамэн будуць у аўдыторыях каледжаў і унівэрсытэтаў. Паколькі не ў кожным населеным пункце ёсьць гэтыя навучальныя ўстановы, частку школьнікаў прыйдзецца падвозіць для здачы экзамэну ў іншыя раёны або гарады.
Па словах Андрэя Іванца, па Беларусі вызначылі 93 пункты для здачы цэнтралізаванага экзамэну.
ГЛЯДЗІЦЕ ТАКСАМА: Мінадукацыі: настаўнікі не павінны весьці ўрокі дыстанцыйна ГЛЯДЗІЦЕ ТАКСАМА: Качанава заявіла, што «пастаўленая задача» разьмяркоўваць і выпускнікоў ВНУ, якія вучыліся на платнай аснове