«Ваш візыт вельмі важны для нас. Гэта толькі пачатак. За гэтыя два дні мы падпісалі даволі шмат пагадненьняў. Лічу, зараз неабходна сканцэнтравацца на некалькіх асноўных і дабіцца іх рэалізацыі», — цытуе Асада прэс-служба беларускага ўраду.
Паведамляюць, што ў рамках двухдзённага (23–24 лістапада) візыту ў Дамаск дэлегацыя ўраду Беларусі перадала «гуманітарны груз для сырыйскага народу, у складзе якога мэдыкамэнты, дзіцячае адзеньне і абутак». Вага грузу каля 2,3 тоны.
23 лістапада Галоўчанка сустракаўся з прэмʼер-міністрам Сырыі Хусэйнам Арнусам.
У выніку перамоваў падпісаныя шэсьць пагадненьняў і мэмарандумаў аб узаемаразуменьні ў сфэрах гандлёвага абмену, адукацыі, жыльлёвага будаўніцтва, транспарту, прамысловасьці і мытні, паведаміла інфармацыйнае агенцтва Sana.sy.
ГЛЯДЗІЦЕ ТАКСАМА: Пасьля Ірану прэмʼер Галоўчанка прыбыў у Сырыю, сустрэнецца з Асадам ГЛЯДЗІЦЕ ТАКСАМА: Прэм’ер Галоўчанка ў Іране гаварыў пра супольную барацьбу з «выклікамі калектыўнага Захаду»