Праваабаронцам стала вядома, што пасля 15 сутак арышту на волю ня выйшаў 29-гадовы сябра Аб’яднанай грамадзянскай партыі Артур Смалякоў.
Як паведамляе «Вясна», яму інкрымінаваны арт. 342 КК («актыўны ўдзел у групавых дзеяньнях, якія груба парушаюць грамадзкі парадак»).
- Учора стала вядома, што на кіраўніка Абʼяднанай грамадзянскай партыі (АГП) Мікалая Казлова завялі крымінальную справу паводле артыкула аб грубым парушэньні парадку.
- На момант затрыманьня Мікалай Казлоў знаходзіўся ў Нясьвіжы. Як паведаміла намесьніца старшыні АГП Ганна Красуліна, сілавікі затрымалі ня толькі Казлова, але і Аксану Аляксееву (лідэрку менскай арганізацыі АГП) ды Антаніну Кавалёву (юрыстку, праваабаронцу). Усе затрыманыя цяпер на Акрэсьціна.