Свабода запыталася ў юрыста праваабарончага цэнтру «Вясна» Паўла Сапелкі, як новы «статус» можа паўплываць на ўмовы ўтрыманьня палітвязьняў.
І аднаго, і другога асудзілі за «распальваньне сацыяльнай варожасьці», «арганізацыю масавых беспарадкаў» ды паводле іншых артыкулаў на вялікія тэрміны — да 18 і 15 гадоў турмы адпаведна. Таму абмежаваньні, вядома ж, будуць, перакананы Павал Сапелка.
«У вачах беларускага заканадаўства яны пастаўленыя на адну дошку з тэрарыстамі, якіх такімі прызнала ўсясьветная супольнасьць, кшталту „Аль-Каіды“, баявікоў „Ісламскай дзяржавы“.
ГЛЯДЗІЦЕ ТАКСАМА: КДБ унёс палітвязьняў Сяргея Ціханоўскага і Ігара Лосіка ў «сьпіс тэрарыстаў»Абмежаваньні, безумоўна, будуць. Як было з тымі асобамі, якія знаходзяцца пад вартай па справе Мікалая Аўтуховіча. Ім нельга было зрабіць грашовыя пераводы, перадачы. Мяркую, што ціснуць на Ціханоўскага і Лосіка будуць яшчэ мацней», — кажа Павал Сапелка.
Што да прашэньня аб памілаваньні, адно другому не перашкаджае, яны могуць яго падаць.
«Але я сумняюся, што хтосьці зь іх гэта зробіць», — мяркуе юрыст Павал Сапелка.
ГЛЯДЗІЦЕ ТАКСАМА: Праваабаронцы паведамляюць аб новых фактах ціску на асуджаных палітвязьняў ГЛЯДЗІЦЕ ТАКСАМА: «Я чуў, як на калідоры б’юць маю маці». Сабралі падрабязнасьці пра суд у справе Мікалая Аўтуховіча