Паліцыя затрымала падазраванага, але яго асобу пакуль ня вызначылі.
Ад страляніны ў царкве, разьмешчанай у прыгарадзе Бірмінгема, штат Алабама, тры чалавекі атрымалі раненьні, паведамляе «Голас Амэрыкі». Два зь іх аказаліся сьмяротнымі. Як паведамляе паліцыя, падазраваны быў затрыманы.
Страляніна адбылася ўвечары 16 чэрвеня ў Епіскапальнай царкве Сьвятога Стэфана ў Вэставія-Хілз.
«Падазраваны прыйшоў на сход невялікай групы прыхаджан і адкрыў агонь», — паведаміў на прэс-канфэрэнцыі капітан паліцыі Шэйн Уэйр і дадаў, што падазраваны, асоба якога не ўстаноўлена, быў узяты пад варту.
Паліцыя ня стала камэнтаваць магчымых матываў злачынца.
Гарадок Вэставія-Хілз з насельніцтвам каля 40 тысяч чалавек знаходзіцца прыкладна за 11 км на паўднёвы ўсход ад Бірмінгема.
ГЛЯДЗІЦЕ ТАКСАМА: Байдэн заклікаў Кангрэс узмацніць жорсткасьць кантролю за абарачэньнем зброі ў краіне ГЛЯДЗІЦЕ ТАКСАМА: Страляніна ў школе ў Тэхасе: 21 ахвяра, стралок забіты ГЛЯДЗІЦЕ ТАКСАМА: Страляніна ў лякарні ў Аклахоме: загінулі чатыры чалавекі