КДБ Беларусі прызнаў «экстрэмісцкімі фармаваньнямі» Фонд спартовай салідарнасьці і рэгіянальнае выданьне з Гомельскай вобласьці «Флагшток», піша МУС.
Беларускі фонд спартовай салідарнасьці ўтварыўся ў 2020 годзе дзякуючы намаганьням атлетаў, у тым ліку алімпійскіх і сусьветных чэмпіёнаў, прызэраў, якія выступілі за свабодныя дэмакратычныя выбары і супраць гвалту. За час сваёй дзейнасьці БФСС падаў некалькі пазоваў і прашэньняў у міжнародныя арганізацыі з просьбай разабрацца з палітызацыяй спорту афіцыйнымі органамі РБ.
Сайт «Флагшток» неаднаразова падвяргаўся перасьледу і блякаваньням за незалежнае асьвятленьне пратэстаў у краіне. Выданьне трапіла ў сьпіс найбольш перасьледаваных уладамі, але не спыніла сваёй дзейнасьці.
Гэта пятае беларускае выданьне, названае ўладамі экстрэмісцкім фармаваньнем. Да гэтага былі «Белсат», БелаПАН, Радыё Свабода і «Наша ніва».
ГЛЯДЗІЦЕ ТАКСАМА: Пракуратура прыпыніла дзейнасьць прафсаюзу «Гродна Азот» ГЛЯДЗІЦЕ ТАКСАМА: У Лязане пачынаецца суд супраць UEFA і Беларускай фэдэрацыі футболу ГЛЯДЗІЦЕ ТАКСАМА: Сайт выданьня «Флагшток» заблякавалі пасьля матэрыялу пра расейскую вайсковую тэхніку