У паведамленьні выведкі адзначаецца, што пасьля шырокага міжнароднага розгаласу вакол генацыду ўкраінскага народу ў Бучы Кіеўскай вобласьці расейскія войскі пачалі выкарыстоўваць ва Ўкраіне мабільныя крэматорыі.
У прыватнасьці, у Марыюпалі дзейнічала 13 мабільных крэматорыяў для ачысткі вуліц ад трупаў загінулых мірных жыхароў. Усіх патэнцыйных сьведак зьверстваў акупанты спрабуюць выявіць празь фільтрацыйныя лягеры і забіць.
Вайсковая выведка Ўкраіны неаднаразова фіксавала выкарыстаньне мабільных крэматорыяў у Чарнігаўскай вобласьці. У Новаайдары Луганскай вобласьці зафіксавана работа мабільнага крэматорыя праціўніка.
ГЛЯДЗІЦЕ ТАКСАМА: «З 285 тысяч чалавек засталося 100–120 тысяч». Жыхар Чарнігава пра жыцьцё пад бамбёжкамі ў расейскай аблозеУзброеныя сілы РФ таксама выкарыстоўваюць мабільныя крэматорыі для зьнішчэньня целаў расейскіх вайскоўцаў, каб схаваць рэальную колькасьць сваіх салдатаў, якія загінулі падчас расейскай агрэсіі супраць Украіны, і адмовіцца выплачваць грошы сем’ям загінулых расейцаў.
«Дзеяньні расейскай арміі падпадаюць пад азначэньне „генацыд“ у адпаведнасьці з Канвэнцыяй аб папярэджаньні злачынства генацыду і пакараньнем за яго і артыкулам 6 Рымскага статуту Міжнароднага крымінальнага суду. Расейскае кіраўніцтва будзе працягваць спрабаваць схаваць факты ваенных злачынстваў ва Ўкраіне», — гаворыцца ў паведамленьні ўкраінскай выведкі.
ГЛЯДЗІЦЕ ТАКСАМА: Байдэн упершыню назваў вайну Пуціна супраць Украіны «генацыдам»Дарадца мэра Марыюпалю Пятро Андрушчанка заявіў, што расейцы плянуюць правесьці так званы «Парад перамогі» 9 траўня на тле масавых забойстваў, якія ўчыніла расейскае войска ў горадзе.
Арганізацыяй параду, са слоў Андрушчанкі, павінен заняцца экс-дэпутат гарадзкой рады Марыюпалю Канстанцін Івашчанка, якога расейцы прызначылі так званым «мэрам».
«Паводле нашай інфармацыі, самаабвешчаны „мэр“ Марыюпалю Івашчанка атрымаў загад правесьці зачыстку часткі Цэнтральнага раёну гораду ад завалаў і целаў загінулых для забесьпячэньня правядзеньня параду на 9 траўня», — напісаў Андрушчанка.
ГЛЯДЗІЦЕ ТАКСАМА: Як Марыюпаль дынамічна разьвіваўся да вайны і чаму ён так патрэбны расейцамМарыюпаль за час баёў амаль цалкам зруйнаваны. Паводле ўкраінскіх уладаў, у горадзе загінулі каля 20-22 тысяч чалавек. У горадзе няма ні электрычнасьці, ні падвозу ежы і вады. Узяць горад цалкам расейцам не ўдаецца праз супраціў украінскіх узброеных сілаў, у прыватнасьці батальёну «Азоў».
Вайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе па просьбе груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах абласьцей. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам.
- Насуперак заявам Пуціна пра атакі выключна на вайсковыя аб'екты, расейцы бамбяць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фотаздымкаў, на якіх відаць сотні нябожчыкаў, ахвяр масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага Расея захапіла толькі адзін абласны цэнтар — Херсон. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Горад быў акупаваны расейскімі войскамі ў першыя дні вайны фактычна без баёў. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый у Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якія Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 3 верасьня ўкраінскі брыгадны генэрал Аляксандар Тарнаўскі заявіў, што Ўзброеныя сілы Ўкраіны прарвалі першую лінію абароны на запароскім кірунку, на якую расейцы выдаткавалі больш за ўсё рэсурсаў.
- У канцы 2023 і на пачатку 2024 расейцы працягвалі масавыя абстрэлы ўкраінскіх гарадоў: Дніпры, Кіеве, Харкаве, Адэсе і іншых месцах дзясяткі людзей загінулі і атрымалі раненьні. Украінскі бок у адказ абстрэльваў расейскі Белгарад, некалькі чалавек загінулі. Узброеныя сілы дзьвюх краін рэгулярна атакуюць падкантрольныя адна адной тэрыторыі бесьпілётнікамі.
- Агулам з пачатку 2024 году ўкраінскія дроны пашкодзілі 18 расейскіх НПЗ, што прывяло да скарачэньня вытворчасьці амаль на 14%. У сакавіку былі атакаваныя такія абʼекты, як Разанскі НПЗ «Раснафты» і завод «Лукойла» ў Кстове ў Ніжагародскай вобласьці. Абодва ўваходзяць у топ-10 найбуйнейшых НПЗ Расеі і забясьпечваюць бэнзінам Маскву.
- 6 жніўня 2024 году Ўкраіна пачала апэрацыю ў Курскай вобласьці. 19 жніўня прэзыдэнт Украіны Ўладзімір Зяленскі заявіў, што пад кантролем Украіны ў ходзе апэрацыі Ўзброеных сілаў Украіны знаходзяцца 92 паселішчы Курскай вобласьці Расеі. Галоўнакамандуючы Ўзброенымі сіламі Ўкраіны Аляксандар Сырскі ўдакладніў, што такіх населеных пунктаў 82. Улады Ўкраіны заявілі пра стварэньне ваенных камэндатураў і арганізацыі перадачы «гуманітарнай дапамогі ў населеныя пункты, якія знаходзяцца пад кантролем Украіны». Экспэрты Інстытуту вывучэньня вайны, прааналізаваўшы заявы і відэаматэрыялы з геалякацыяй, выказалі меркаваньне, што Ўкраіна кантралюе ў Курскай вобласьці ня ўсю тэрыторыю ў заяўленых межах прасоўваньня.
- 16-18 жніўня ўкраінскія сілы падарвалі тры масты, якія мелі стратэгічнае значэньне для матэрыяльна-тэхнічнага забесьпячэньня групоўкі расейскіх войскаў ва Ўкраіне і вайсковай авіяцыі, якая базуецца ў Курскай вобласьці.
- 17 лістапада Джо Байдэн зьняў абмежаваньні на нанясеньне ўдараў амэрыканскай дальнабойнай зброяй па тэрыторыі Расеі.
- Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.