Гісторыя з фэйкавым лістом ва ўстановы адукацыі з патрабаваньнем арганізаваць «дыялёгавую пляцоўку» наконт зьменаў у Канстытуцыю атрымала свой працяг. Гэтым разам ліст даслалі ў рэчыцкую гімназію. Сустрэчу там правялі і даслалі справаздачу ў фатаздымках.
Раней такую ж сустрэчу правялі ў адной зь менскіх школаў. Тады школу разыграў малады настаўнік зь Менску, які быў вымушаны зьехаць у Польшчу.
З электроннай пошты «Грамадзкай дыялёгавай пляцоўкі па абмеркаваньні зьменаў у Канстытуцыю» беларус разаслаў ліст у менскія школы з патрабаваньнем арганізаваць цягам чатырох гадзін дыялёгавую пляцоўку з прадстаўнікамі «Белай Русі», «БРСМ» і адміністрацыі, зь дзяржаўнай сымболікай.
ГЛЯДЗІЦЕ ТАКСАМА: «Куды глядзяць бацькі?». У хвалю «Омікрону» школы працягваюць рабіць масавыя зборы дзяцейРэчыцкая гімназія — ужо другая ўстанова, якая адразу выканала загад, нават не дазнаўшыся, адкуль прыйшоў ліст і хто ягоны аўтар.