Праваабаронцы прызналі палітвязьнямі яшчэ 15 чалавек, у тым ліку Анатоля Латушку і Алену Гнаўк

3 лютага беларускія праваабаронцы прызналі палітычнымі зьняволенымі яшчэ 15 чалавек, пазбаўленых волі за абразу Лукашэнкі, прадстаўнікоў улады (супрацоўнікаў міліцыі), судзьдзяў і зьнявагу дзяржаўных сымбаляў.

Палітвязьнямі прызнаныя:

1. Яраслаў Гебень, асуджаны па арт. 370 КК за зьнявагу дзяржаўных сымбаляў да 2 гадоў і 6 месяцаў калёніі;
2. Мікіта Мурын, асуджаны па арт. 370 КК за зьнявагу дзяржаўных сымбаляў да 2 гадоў і 6 месяцаў калёніі;
3. Глеб Лёгкі, асуджаны па арт. 370 КК за зьнявагу дзяржаўных сымбаляў да 1 года і 6 месяцаў калёніі;
4. Арцём Прыгажаеў, асуджаны па арт. 370 КК за зьнявагу дзяржаўных сымбаляў да 1 года і 6 месяцаў калёніі;
5. Вольга Кукушкіна, асуджаная па ч.1 арт. 368 КК за абразу Аляксандра Лукашэнкі да 1 года і 6 месяцаў калёніі;
6. Яўген Салаўёў, асуджаны па арт. 368 КК за абразу Лукашэнкі на 9 месяцаў калёніі;
7. Алег Дмітрачэнка, асуджаны па арт. 369 КК за абразу прадстаўніка ўлады да абмежаваньня волі з накіраваньнем у папраўчую ўстанову адкрытага тыпу;
8. Павел Гваздоўскі, асуджаны па арт. 369 КК за абразу прадстаўніка ўлады да абмежаваньня волі з накіраваньнем у папраўчую ўстанову адкрытага тыпу;
9. Андрэй Кругленя, асуджаны па арт. 369 КК за абразу прадстаўніка ўлады да 1 года абмежаваньня волі з накіраваньнем у папраўчую ўстанову адкрытага тыпу;
10. Алег Гаўрылаў, узяты пад варту па абвінавачваньні па арт. 367 КК за паклёп на Аляксандра Лукашэнку;
11. Алена Гнаўк, узятая пад варту па абвінавачваньні па арт. 367, 369-1 КК за паклёп на Лукашэнку і дыскрэдытацыю Беларусі;
12. Руслан Асятроў, узяты пад варту па абвінавачваньні па арт. 130 КК па «справе Зельцара»; 1
13. Сяргей Крэйда, узяты пад варту па абвінавачваньні па арт. 130 КК па «справе Зельцара»;
14. Алена Маліноўская, узятая пад варту па падазрэньні па арт. 339 КК у хуліганстве — маляваньні ў грамадзкіх месцах герба «Пагоні»;
15. Анатоль Латушка, узяты пад варту па падазрэньні по арт.339 КК у хуліганстве — маляваньні ў грамадзкіх месцах герба «Пагоні».

Праваабаронцы лічаць іх перасьлед і пазбаўленьне волі палітычна матываваным, зьвязаным зь мірнай рэалізацыяй выказваньня меркаваньня, а іх саміх — палітычнымі зьняволенымі, і патрабуюць іх неадкладнага вызваленьня.

Паводле стану на 3 лютага беларускія праваабаронцы ўжо прызналі палітычнымі зьняволенымі 1037 чалавек.