Беларускія праваабаронцы прызналі палітвязьнямі яшчэ 18 чалавек

Гэта людзі асуджаныя ў сувязі з палітычнымі пратэстамі. Цяпер у Беларусі ўжо 1022 палітвязьні.

Праваабарончыя арганізацыі прызналі палітвязьнямі ў Беларусі яшчэ 18 чалавек:

Сяргея Лагуткіна,
Людмілу Волкаву,
Сьвятлану Бараноўскую,
Анастасію Альгерыску,
Міхаіла Касьцючыка,
Віталя Жылінскага,
Рамана Язерскага,
Аляксандра Рамановіча,
Паўла Шчабянёва,
Людмілу Кірыленку,
Мацьвея Грынкевіча,
Цімура Кургузава,
Максіма Анкуду,
Аляксея Грышановіча,
Уладзіслава Крука,
Веру Цьвікевіч,
Руслана Цюрліка.

ГЛЯДЗІЦЕ ТАКСАМА: Навіны палітвязьняў: Знак упершыню закупіўся ў турэмнай краме; Статкевіч расказаў пра галоўнае «месца сілы»

Праваабаронцы заяўляюць, што «перасьлед вышэй названых асоб палітычна матываваны у сувязі з рэалізацыяй імі свабоды мірных сходаў і выказваньня свайго меркаваньня пра абвешчаныя вынікі прэзыдэнцкіх выбараў».

Таксама праваабаронцы адзначаюць, што «ва ўмовах глыбокага крызісу правоў чалавека недапушчальна выкарыстоўваць інструмэнты крымінальнага перасьледу для далейшага абмежаваньня свабоды выказваньня меркаваньняў».

Агулам у Беларусі ўжо 1022 палітвязьні.