Ужо сёньня: дзень памяці Ігната Дамейкі, Вацлава Ластоўскага, Міхала Анемпадыстава

Дата дня

23 студзеня 1938 году НКВД быў расстраляны Вацлаў Ластоўскі, беларускі публіцыст і палітычны дзяяч. Філёляг, укладальнік і выдавец «Расійска-крыўскага (беларускага) слоўніка», дырэктар Беларускага дзяржаўнага музэю, сакратар маладой Беларускай Акадэміі навук, пісьменьнік.

Таксама ў гэты дзень

1793 — адбыўся другі падзел Рэчы Паспалітай.

1916 — Янка Купала ажаніўся з Уладзіславай Станкевіч.

1974 — быў заснаваны Пастаўскі краязнаўчы музэй.

1997 — утвораная Адміністрацыя прэзыдэнта Беларусі.

У гэты дзень нарадзіліся

1783 — Стэндаль, францускі пісьменьнік.

1832 — Эдуар Манэ, францускі мастак-імпрэсіяніст.

Эдуар Манэ, «Чыгунка» (1873)

У памяці

1889 — памёр Ігнат Дамейка, беларускі навуковец-геоляг, нацыянальны герой Чылі.

Памятная дошка ў Чылі, дзе доўгі час жыў Ігнат Дамейка

1981 — памерла Вера Маслоўская, беларуская грамадзка-палітычная і культурная дзяячка, адна з пачынальніц беларускага школьніцтва на Беласточчыне.

1989 — памёр Сальвадор Далі, гішпанскі мастак.

2018 — памёр мастак і паэт Міхаіл Анемпадыстаў.