Паводле пратаколаў, колькасьць галасоў на ўчастку № 37 — 543 за Ціханоўскую, 524 за Лукашэнку, а на ўчастку № 38 — 510 за Ціханоўскую, 380 за Лукашэнку.
Як піша выданьне «Новы Час», яшчэ перад Новым 2022 годам сярод берасьцейскіх настаўнікаў папаўзьлі чуткі, што дырэктарку здымаюць разам з усімі намесьніцамі, якія таксама былі ў выбарчай камісіі і падпісалі сапраўдны пратакол. Прычым, нібыта, здымаюць з папярэджаньнем, што ў Берасьці працы сабе яны ня знойдуць.
На сайце гімназіі перад Новым годам у разьдзеле «адміністрацыя» была толькі адна намесьніца дырэктара па малодшых клясах, іншыя пяць улучна з пазыцыяй дырэктара былі пустымі. Тое самае было і 6 студзеня, а сайт Берасьцейскага гарвыканкаму нават паказваў Алену Шкулепа як дзейную дырэктарку гімназіі № 4.
Праз тыдзень на месцы пацьвердзіўся факт звальненьня Алены Шкулепы і прызначэньня замест яе Дзіяны Басалай. Паводле інфармацыі «Новага Часу», дзьвюх намесьніц Шкулепы панізілі ў рангу да шараговых настаўніц.
Сама Алена Шкулепа пацьвердзіла «Новаму Часу» факт звальненьня і на пытаньне, ці казалі ёй пры звальненьні, што працы ў Берасьці яна не знойдзе, адказала: «Наўпрост не сказалі, але адчуваю, што гэта сапраўды так».
ГЛЯДЗІЦЕ ТАКСАМА: «Пасьля відэазвароту нас зрабілі ворагамі народу». Былая настаўніца расказвае пра ціск у школе пасьля выбараў ГЛЯДЗІЦЕ ТАКСАМА: Звольненыя выкладчыкі, студэнты-ўцекачы і студэнты-вязьні. Як пратэсты 2020 году зьмянілі школы і ВНУ Беларусі ў 2021 ГЛЯДЗІЦЕ ТАКСАМА: Дырэктарка музэю Янкі Купалы страціла пасаду за тое, што адмовілася звальняць супрацоўнікаў з палітычных матываў ГЛЯДЗІЦЕ ТАКСАМА: Фонд мэдыцынскай салідарнасьці паведаміў пра 200 беларускіх мэдыкаў, звольненых з палітычных матываў